თუ თქვენ უბრალო მურაბის მომზადება მოგბეზრდათ და რაღაც განსხვავებულს ეძებთ, მაშინ ეს რეცეპტი თქვენთვის არის. საინტერესო ტექსტურა და უნიკალური გემო ნამდვილად გაგაოცებთ.
გირჩევთ აირჩიოთ არასრულად მწიფე ხილი.
ინგრედიენტები
- 1კგ გარგარი
- 1კგ შაქარი
- 100-150გ წყალი
- 0,5გ ლიმონის მჟავა
- 200გ ნიგოზი
მომზადება
1.გარეცხეთ გარგარი, ხის წკირის მიწოლით გამოდევნეთ თესლი.
2.თითოეულ გარგარში მოათავსეთ 1 ნიგოზი.
3.შაქარს დაუმატეთ წყალი და მოათავსეთ ცეცხლზე, ურიეთ.
4.დაუმატეთ ლიმონის მჟავა შაქრის სიროფს.
5.ღრმა ქვაბში ჩაასხით სიროფი. დაუმატეთ გარგარი და დაბალ ცეცხლზე წამოადუღეთ. აადუღეთ დამატებით 7-10 წუთი, აუცილებლად მოაშორეთ წარმოქმნილი ქაფი. არ შეეხოთ გარგარს არავითარ შემთხვევაში, რათა არ გაუფუჭდეს ფორმა. ქვაბი გადმოიტანეთ ცეცხლიდან და დაელოდეთ 1 ღამე. მეორე დღეს ისევ გაიმეორეთ ეს პროცედურა და დაასვენეთ 10 საათი. ასე უნდა მოიქცეთ 2-ჯერ.
6.ჩაასხით ქილებში და თბილად შეფუთეთ.
ასეთი მურაბა კარგად ინახება მშრალ და გრილ აგილას.
გემრიელად მიირთვით!
