ბიფსტროგანოვი – კლასიკაა. ბევრისთვის ეს კერძი ცნობილია როგორც საქონლის ხორცის. თუმცა, მას მერე რაც ის გამოიგონეს, გაჩნდა უამრავი ინტერპრეტაცია ახალი ინგრედიენტებით. დღეს დადგა ქათმის ღვიძლის რიგი. აღმოჩნდა, რომ ქათმის ღვიძლი სოკოსთან არაჟნის სოუსში – წარმოუდგენლად გემრიელი შეხამებაა. საყვარელი სანელებლების დამატებით კი ეს კერძი მათთვისაც მადისაღმძვრელია, ვისაც ღვიძლი არ უყვარს.
ინგრედიენტები
- 450 გრ ქათმის ღვიძლი
- 1 თავი ხახვი
- 2 კბილი ნიორი
- 3 ს.კ. ზეთი
- 200 გრ არაჟანი
- 2 ს.კ. კარაქი
- 5-7ც ქამა-სოკო
- 1-2 ს.კ. ხორბლის ფქვილი
- წითელი და შავი პილპილი გემოვნებით
- მარილი გემოვნებით
- მწვანილი გემოვნებით
მომზადება
1. დაჭერით ხახვი და ნიორი, მოთუშეთ ზეთში.
2. დაამატეთ დაჭრილი ქამა სოკო, მოთუშეთ 5 წუთის განმავლობაში, დაამატეთ მარილი და პილპილი.
3. დაამატეთ დაჭრილი ღვიძლი, ფქვილი და გააჩერეთ ცეცხლზე კიდევ 5-7 წუთი.
4. დაასხით არაჟანი და თუშეთ კიდევ 10 წუთის განმავლობაში ნელ ცეცხლზე.
5. მოაყარეთ მწვანილი, მოურიეთ.
მზა კერძი შეგიძლიათ მიირთვათ ბრინჯის ან კარტოფილის გარნირით – ძალიან გემრიელი იქნება. შეინახეთ ეს რეცეპტი და გაუზიარეთ მეგობრებს!
