ყველის სახლში მომზადება ახლახანს დავიწყე. ყოველთვის ვფიქრობდი, რომ პროცესი ბევრი თავის ტკივილისგან, კვეთთან და შრატთან რთული მუშაობისგან შედგებოდა. მეზობელმა თვალები ამიხილა, რომელმაც რძემჟავა პროდუქტის მორიგი ულუფა მოამზადა და გამასინჯა. მაშინ მივხვდი, რომ სახლში მომზადებული ყველი მაღაზიაში ნაყიდს, თუნდაც ძვირადღირებულს ვერ შეედრება. რეცეპტი სწრაფად ჩავიწერე და მეორე დღეს უკვე გაზქურასთან ვიდექი. საღამოს ოჯახის წევრებს გავასინჯე. ქმარმა მრგვალი თვალებით და სავსე პირით მკითხა, სად ვიპოვე. ახლა რეგულარულად ვამზადებ!
როგორ მოვამზადოთ შინაურული ყველი
სახლის პირობებში ყველის მოსამზადებლად ხაჭო სწორად უნდა შეარჩიოთ. სანდო ბრენდებს უპირატესობა მიანიჭეთ. კარგია, თუ სოფლის ხაჭოს გამოიყენებთ.
ინგრედიენტები:
- 2 კგ ხაჭო
- 150 გ კარაქი
- 15 გ სოდა
- 2 ლ რძე
- 30 გ მარილი
მომზადების წესი:
1. ხაჭო და რძე აურიეთ. ქვაბი სუსტ ცეცხლზე დადეთ და აურიეთ. ინგრედიენტები ხარშეთ, სანამ რძე შრატს არ გამოყოფს.
2. საწურს მარლა დააფარეთ და სითხე გადაწურეთ.
3. კარაქი გაადნეთ და ხაჭოს მასას მარილთან და სოდასთან ერთად დაუმატეთ. ინგრედიენტებს აურიეთ.
4. მიღებული მასა დააბლენდერეთ.
5. ნარევი 900 ვატ სიძლიერეზე 2,5 წუთით მიკროტალღურ ღუმელში გააცხელეთ.
6. ცხელი ყველის მასა ფორმაში გადაიტანეთ, შემდეგ მაცივარში 2-3 საათით შეინახეთ.
შინაურული ყველის რეცეპტი სხვადასხვა დანამატით შეგიძლიათ გაამრავალფეროვნოთ. მითითებული ინგრედიენტებით 6 თავი ყველი გამოდის. იდეალური ბიუჯეტური ასორტია სადღესასწაულო სუფრისთვის. ყველის მასას დაჭრილი მწვანილი, დაჭრილი ზეთისხილი, პროვანსული სუნელები, ნიორი ან ხმელი სოკოს ფხვნილი დაუმატეთ. რომელ შიგთავსს აირჩევთ თქვენი ყველისთვის?
