წარმოიდგინეთ, რომ გეძლევათ საშუალება, ყოველდღე მიირთვათ პროდუქტი, რომელიც სასარგებლო არ არის და რომელიც არ დააზიანებს ჯანმრთელობას და ფიგურას. რა იქნებოდა ეს? ჩემთვის არჩევანი ცხადია – კარტოფილი ფრი. ძალიან მიყვარს იგი და ყველაზე დიდ ულუფას ვუკვეთავ. არადა, მესმის, რომ ის სასარგებლო არ არის. თუმცა, თუ კარტოფილ ფრის მიკროტალღურ ღუმელში მოამზადებთ, საქმე სულ სხვაგვარადაა.
უცებ განვმარტავთ: ამ შემთხვევაში არ გამოიყენება დიდი ოდენობით ზეთი, რომელშც უკვე მრავალჯერ შეწვეს კარტოფილი, არ ემატება გემოს გამაძლიერებლები და არომატიზატორები. მომზადება მარტივია და ძალიან გემრიელიც გამოდის. სუნელები შეგიძლიათ გემოვნებით გამოიყენოთ.
ინგრედიენტები
- 3 ც კარტოფილი
- 1 ჩ.კ. ზეითუნის ზეთი
- 1 მწიკვი ნივრის ფხვნილი
- 1 მწიკვი ქონდარი
- პაპრიკა გემოვნებით
- მარილი, პილპილი გემოვნებით
მომზადება
1. გათალეთ კარტოფილი, დაჭერით თხლად სიგრძეზე, დაასხით წყალი და გადადეთ 2 წუთით.
2. დაალაგეთ კარტოფილი ქაღალდის პირსახოცზე ზედმეტი სითხის მოსაცილებლად.
3. გადაიტანეთ თასში, დაუმატეთ სუნელები, მარილი და მოურიეთ.
4. დაუმატეთ ზეთი და ჩაყარეთ მიკროტალღური ღუმელის ფორმაში.
5. ჩართეთ მაქსიმალურ სიმძლავრეზე და შეწვით 5-8 წუთის განმავლობაში. გაიმეორეთ რამდენჯერმე, სანამ კარტოფილი არ დაიბრაწება.
სანამ კარტოფილი მზადდება, მოამზადეთ საყვარელი სოუსი: ტომატის, არაჟნის ან მდოგვის. ჩართეთ საყვარელი ფილმი და დატკბით შესანიშნავი ხემსით. გაუზიარეთ ეს რეცეპტი მეგობრებს!
