კომბოსტოს ტაფაზე კვერცხის ცომში მომზადება თითქმის ყველა ბოსტნეულის მოყვარულმა იცის. რას ფიქრობთ კომბოსტოს კატლეტებზე?
ეს კერძი ძალიან დაბალკალორიულია, მხოლოდ 80 კალორია 100გ პროდუქტზე.
ინგრედიენტები
- ყვავილოვანი კომბოსტო 500გ
- წყალი 1ლ
- მარილი
- მწვანე ხახვი
- კამა
- პიტნა
- ხორბლის ფქვილი 70გ
- შავი წიწაკა
- იოგურტი 5 სუფრის კოვზი
- კვერცხი 1 ცალი
- ზეთი 2 სუფრის კოვზი
მომზადება
1.აადუღეთ 1ლ წყალი ქვაბში. დაანაწევრეთ კომბოსტო და მოხარშეთ 5 წუთი. წყალს ცოტა მარილი მოაყარეთ.
2.ამასობაში მწვანე ხახვი, პიტნა, კამა, გაგრილებული კომბოსტო და დააბლენდერეთ.
3.დაქუცმაცებულ კომბოსტოს დაუმატეთ 1 კვერცხი, 2 სუფრის კოვზი იოგურტი და 70გ გაცრილი ფქვილი. მოაყარეთ მარილი და წიწაკა, კარგად მოურიეთ.
4.მოამზადეთ სოუსი: დააქუცმაცეთ პიტნა და კამა. 3 სუფრის კოვზ იოგურტს გადაურიეთ მწვანილი.
5.ბოსტნეულის კატლეტები შეწვით ტაფაზე.
6.გამოაცხეთ 180 გრადუსზე 10 წუთი.
გემრიელად მიირთვით!
