როგორ მოვამზადოთ ზამთრისათვის ხრაშუნა და წვნიანი კომბოსტო? ოქტომბრის დადგომასთან ერთად ეს საკითხი ჩვენი თანამემამულეებისათვის ძალიან აქტუალური ხდება. კარგი ის არის რომ კომბოსტოს ყიდვა შეგიძლიათ ნებისნიერ მაღაზიაში.
მაგრამ აი რაშია პრობლემა: ყიდულობთ ერთი კვირის ინტერვალით კომბოსტოს ორ ტომარას, თითქოს ვიზუალურად ერთნაირია, ამწნილებთ ერთი და იმავე რეცეპტის მიხედვით, ერთნაირ ჭურჭელში. მაგრამ ნაწილი გამოდის წვნიანი და ხრაშუნა, ხოლო მეორე ნაწილი რბილი და ლორწოვანი.
ამბობენ, რომ დამწნილების პროცესი საკმაოდ დელიკატური საქმეა. მათი თქმით დამნაშავეა მთვარის ფაზები და ყოვლისმომცველი რეტროგრადული მერკური. იმისათვის, რომ დამწნილებულმა კომბოსტომ თქვენს მოლოდინებს არ უღალატოს, ჩვენმა რედაქციამ საუკეთესო დიასახლისებისაგან შეაგროვა ინფორმაცია მწნილის სწორად მომზადების შესახებ, რომლის მიხედვითაც თქვენი კომბოსტო გამოვა ხრაშუნა და ამავდროულად წყლიანიც.
კომბოსტოს მწნილის მომზადება
1.ხალხური სიბრძნე გვეუბნება, რომ კომბოსტოს დამწნილება რეკომენდირებულია ღვთისმშობლის დაცვის დღესასწაულის შემდეგ. ეს დაკავშირებულია იმასთან, რომ შაქრის შემცველობა კომბოსტოში აღწევს მაქსიმალურ დონეს პირველი გაყინვის შემდეგ. შაქრის არსებობა რძე მჟავის გამომუშავებით- სწორედ ეს არის დამწნილების მთავარი პროცესი.
2.ჩვეულებრივ დასამწნილებლად გამოგადგებათ მწიფე კომბოსტოს თავები, რომელიც გრძელვადიანი შენახვისათვის გამოდგება. არ გამოიყენოთ ახალმოსული კომბოსტო. როგორ ავირჩიოთ იდეალური კომბოსტოს თავი?
აგრონომები გვირჩევენ, რომ მივაქციოთ გარეგნობას დიდი ყურადღება. როგორც წესი კომბოსტოს ბრტყელი ჯიშები გამოდის- მშრალი, ხოლო მრგვალი ფორმის ჯიშები-ძალიან წვნიანია ამიტომაც ეს სწორედ ისააა, რაც ჩვენ გვჭირდება.
გამოცდილი დიასახლისები კომბოსტოს არჩევენ მისი ფურცლისა და ღეროს მიხედვით ფოთოლი უნდა იყოს წვნიანი, არა მშრალი და თხელი, ხოლო ღერო უკეთესია იყოს მოკლე. და რათქმაუნდა, რაც უფრო დიდია კომბოსტო ზომაში მით უფრო წვნიანია. ყიდვისას არ დაგავიწყდეთ მისი ხელით შემოწმება აუცილებელია, რომ ის იყოს ხრაშუნა მაგრამ ამავდროულად ის უნდა იყოს მკვრივი და არა ფხვიერი.
3.კომბოსტოს დამწნილება მზარდი მთვარის დროს არის რეკომენდირებული, იდეალური შუალედია ახალი მთვარიდან 5-6 დღის შემდეგ. მწნილი ამ დღეებში უფო წვნიანი და ხრაშუნა გამოდის.
4.სტაფილო უნდა დაამატოთ ძალიან ცოტა რაოდენობით, სამ ლიტრიან ქილას სავსებით ყოფნის 1 ცალი სტაფილი, მეტის დამატების შემთხვევაში კომბოსტო დარბილდება.
5. 1 კილოგრამი კომბოსტოსათვის გამოიყენეთ დაახლოებით 20გ მარილი (არ გამოიყენოთ იოდიზირებული მარილი, რადგან კომბოსტო გამოგივათ რბილი).
6.კომბოსტოს დამწნილება რეკომენდირებულია შუშის, პლასტმასის ან ემალირებულ კონტეინერში. რკინის ან ალუმინის ჭურჭლის გამოყენება არ შეიძლება. კომბოსტოს მეტალთან შეხება ძალიან აფუჭებს მის გემოს.
7.იმისათვის, რომ კომბოსტო იყოს ხრაშუნა მისი დამწნილების პროცესის დაწყება რეკომენდირებულია ოთახის ტემპერატურაზე. ხოლო დამთავრება 0 გრადუსზე.
8.გახეხილი კომბოსტო სტაფილოსთან ერთად, უნდა გამოწუროთ ხელით, რათა გამოყოს წვენი და შემდეგ რაც შეიძლება მჭიდროდ უნდა მოათავსოთ ქილაში.
9.დამწნილებისას გამოყოფილმა წვენმა თლიანად უნდა დაფაროს კომბოსტო. წინააღმდეგ შემთხვევაში ის გამოვა რბილი.
დამწნილებული კომბოსტოსაგან შეგიძლიათ გააკეთოთ სხვადასხვა სალათები, ვინიგრეტი, ღვეზელის შიგთავსი ან შეგიძლიათ მოასხათ კარაქი და მიირთვათ. ყველა ოჯახში არის კომბოსტოს დამწნილების სხვადასხვა მეთოდი. გემრიელად მიირთვით!
