ნახევარ საათში: ნატურალური შინაურული შესქელებული რძე

1547

შვილებმა დესერტად ბლინები მთხოვეს და რომ შესქელებული რძე აუცილებლად ყოფილიყო. საყვარელ ადამიანებს უარს ვერ ვეტყვი! მაგრამ აი, ამოცანა: მაღაზიებში ტკბილი სოუსი არაა ან „არც ისე ტკბილი“ ფასი აქვს. სახლისკენ მიმავალ გზაზე გამახსენდა რეცეპტი, რომელიც დიდი ხნის წინ მეზობელმა გამიზიარა. 1 შეფუთვა რძე ვიყიდე და ექსპერიმენტისთვის გავიქეცი!

ადრე ვერასდროს ვიფიქრებდი, რომ შესქელებული რძის 30 წუთში მომზადება შეიძლებოდა. მეგობრებმა მითხრეს, რომ ამ პროდუქტზე 3-4 საათით წვალობდნენ. არ ვიცი, რას ხარშავდნენ, მაგრამ ჩემი შინაურული შესქელებული რძე უბრალოდ საოცარია!

შინაურული შესქელებული რძე 30 წუთში: როგორ მოვამზადოთ

იმ დღიდან შესქელებულ რძეს აღარ ვყიდულობ, მხოლოდ სახლში ვამზადებ. შოკოლადის პასტის მინის ქილებში კარგად ინახება. იმავე მეზობელმა მითხრა, რომ სახლში მომზადებული შესქელებული რძე შეგვიძლია ქილებში მოვხუფოთ!

ინგრედიენტები:

  • 1 ლ რძე
  • 300 გ შაქარი
  • მწიკვი სოდა

მომზადების წესი:

1. რძე, შაქარი და სოდა ქვაბში აურიეთ და ქურაზე დადეთ.

2. მაღალ ცეცხლზე ნარევი ადუღებამდე მიიყვანეთ. აურიეთ.

3.ადუღების შემდეგ შესქელებული რძე კიდევ 30 წუთით ხარშეთ. ნარევი უნდა გასქელდეს და ფერი შეიცვალოს.

შესქელებული რძის სახლში მოსამზადებლად ყველაზე დიდი ქვაბი გამოიყენეთ. მნიშვნელოვანია, რომ რძის აორთქლების ზედაპირი რაც შეიძლება დიდი იყოს. ერთდროულად რამდენიმე ლიტრი რძით პროდუქტის მომზადება არ იჩქაროთ. გიყვართ ბლინები შესქელებულ რძესთან ერთად?