როცა სტუმრებს მურაბიანი ორცხობილით პირველად გავუმასპინძლდი, მაშინვე გაიფიქრეს, რომ ვიყიდე. ჩემს კულინარიულ ნიჭს სკეპტიკურად შეხედეს. არ ვადანაშაულებ. მათ ადგილზე მეც ასე გავიფიქრებდი. ეჭვები გაქრა, როცა პირდაპირ ღუმლიდან ცხელი დანამატი სუფრაზე გამოვიტანე.
ნაზი საფუარის ორცხობილის გამოცხობა ძალიან მარტივია. ნამდვილად საოცნებო რეცეპტია, თუ ზედმეტი ძალისხმევის გარეშე ახლობლების გახარება გსურთ. საფუარის ცომთან მუშაობა ასე მარტივი არასდროს ყოფილა!
როგორ გამოვაცხოთ მურაბიანი ორცხობილა ღუმელში
შიგთავსად ნებისმიერი მურაბა, ჯემი ან პოვიდლო შეგიძლიათ გამოიყენოთ. გარდა ამისა, ასეთი ორცხობილა შოკოლადის პასტით ან მოხარშული შესქელებული რძით შეგიძლიათ გააკეთოთ!
ინგრედიენტები:
- 20 გ საფუარი
- 100 მლ წყალი
- 1 კვერცხი
- 2 ს/კ შაქარი
- მურაბა გემოვნებით
- 120 მლ რძე
- მწიკვი მარილი
- 80 მლ მზესუმზირის ზეთი
- 500 გ ხორბლის ფქვილი
- შაქრის ფხვნილი გემოვნებით
მომზადების წესი:
1. თბილი წყალი და 100 მლ თბილი რძე აურიეთ. საფუარი ამ ნარევში ჩაფშვენით და აურიეთ.
2. შაქარი დაუმატეთ და ერთგვაროვანი მასის მიღებამდე აურიეთ.
3. კვერცხის ცილა, მზესუმზირის ზეთი, მარილი დაუმატეთ. გაცრილი ფქვილი ნაწილ–ნაწილ დაუმატეთ. რბილი ცომი მოზილეთ. პირსახოცი გადააფარეთ და 1 საათით სითბოში გააჩერეთ.
4. ფქვილი სამუშაო ზედაპირს მოაყარეთ. ამოსული ცომი ჩაზილეთ და მაგიდაზე გადაიტანეთ. 9 ნაწილად დაყავით.
5. თითოეული ჯერ დააგუნდავეთ, შემდეგ ფირფიტებად გააბრტყელეთ. სამკუთხედებად დაჭერით და ერთმანეთს დაადეთ.
6. ჯოხით შუაზე დააჭირეთ, შემდეგ წრეზე დაატრიალეთ.
7. საცხობ ფორმას პერგამენტის ქაღალდი დააფინეთ და ორცხობილები გადაიტანეთ. კვერცხის გულის და დარჩენილი რძის ნარევი წაუსვით.
8. თითოეული ორცხობილის ცენტრი მურაბით გაავსეთ. 180 გრადუსზე 25 წუთით აცხვეთ. სუფრაზე გატანის წინ შაქრის ფხვნილი მოაყარეთ.
თუ ცომის მომზადების დრო საერთოდ არ გაქვთ, მზა ფენოვანი ცომი იყიდეთ. ასე ორცხობილას შიგთავსით რამდენიმე წუთში მოამზადებთ. დესერტი ყოველდღიურად ჩაიზე მისაყოლებლად ან სადღესასწაულო სუფრისთვის შესანიშნავია.
