სკუმბრია ძალიან სასარგებლოა ჯანმრთელობისთვის, ამიტომ მისი რაციონში ჩართვა არ იქნება ურიგო. თანაც ამ თევზისგან უგემრიელესი კერძები მზადდება. სწორედ ერთ-ერთი მათგანის რეცეპტს შემოგთავაზებთ დღეს.
კვერცხით, სტაფილოთი და მწვანილით ფარშირებული სკუმბრია ნოყიერი, არომატული და საოცრად გემრიელი გამოდის. სცადეთ და თავად დარწმუნდებით.
ინგრედიენტები
- 2 ც სკუმბრია
- 2 კვერცხი
- 2 ც სტაფილო
- 10 გრ ოხრახუში
- 1 ს.კ. სოიოს სოუსი
- 10 გრ ბაზილიკი
- 1 ლიმონი
- 1 ს.კ. ლიმონის წვენი
- 1 ნიორი
- 2 ც წიწაკა ჩილი
- მარილი, თეთრი და შავი პილპილი გემოვნებით
მომზადება
- კარგად გარეცხეთ და გაასუფთავეთ სკუმბრია. გაუჭერით მუცელი. დაასხით სოიოს სოუსი და ლიმონის წვენი, დაუმატეთ მარილი და პილპილი.
- გახეხეთ მოხარშული კვერცხი და სტაფილო. დაამატეთ ნახევარი დაჭრილი ოხრახუში და ბაზილიკი.
- დატენეთ თევზი შიგთავსით. დააფინეთ საცხობ ფორმაზე პერგამენტი, მოათავსეთ სკუმბრია.
- დაჭერით წვრილად წიწაკა ჩილი, დაუმატეთ დარჩენილი მწვანილი, მოაყარეთ თევზს მარილთან და პილპილთან.
- გვერდზე მოათავსეთ ორად დაჭრილი ნივრის კბილები, რგოლებად დაჭრილი ლიმონი, დააფარეთ ფოლგა. შედგით 180 გრადუსამდე გახურებულ ღუმელში 30-40 წუთით.
ამ სრულფასოვან კერძს გარნირი არ სჭირდება. ნოყიერი და არომატული კერძი მზადაა! შეინახეთ ეს რეცეპტი და გაუზიარეთ მეგობრებს!
