აგარაკზე ქაცვის ბუჩქი მომწიფდა. წელს ნამდვილად უხვი მოსავალი მივიღეთ. ადრე არ ვიცოდი, რა მომემზადებინა ამ კაშკაშა, მაგრამ საკმაოდ მჟავე კენკრისგან. ახლა ზამთრისთვის ვყინავ კიდეც, რომ ფერადი და ვიტამინებით მდიდარი ჟელე გავაკეთო.
უდავოდ, ქაცვის ჟელე იდეალურია, თუ ძალიან ტკბილი დესერტი არ გიყვართ. მსუბუქი სიმჟავე, რომელიც წითურ კენკრას ახასიათებს, ჟელეში რჩება. თუ მთელი ოჯახი ტკბილეულის მოყვარულია, მეტი შაქარი დაუმატეთ ან დესერტი ათქვეფილი ნაღებით გააფორმეთ.
როგორ მოვამზადოთ ფერადი ქაცვის მომჟავო ჟელე
ქაცვის ჟელე ახალი ან გაყინული კენკრით შეგიძლიათ მოამზადოთ. წარმოიდგინეთ, როგორი სასიამოვნოა ზამთარში ასეთი საზაფხულო და ფერადი დესერტის ჭამა.
ინგრედიენტები:
- 200 გ ქაცვი
- 50 გ შაქარი
- 150 მლ წყალი
- 7 გ ჟელატინი
მომზადების წესი:
1. ქაცვს წყალი დაასხით და დააბლენდერეთ. ამის შემდეგ ნარევი გადაწურეთ.
2. ქაცვის ნარევი ქურაზე დადგით, შაქარი დაუმატეთ და მის სრულ გახსნამდე გააცხელეთ. შემდეგ მასა სქელ მარლაში გადაწურეთ.
3. ქაცვის ნარევი ქურაზე დააბრუნეთ, ჟელატინი დაუმატეთ და გააცხელეთ, მუდმივად აურიეთ, ადუღებამდე არ მიიყვანოთ.
4. მზა ჟელე ფორმებში ჩაასხით და მაცივარში სრულ გაგრილებამდე შეინახეთ.
ქაცვის დესერტი ზამთრისთვის შეგიძლიათ მოიმარაგოთ. ამისთვის მზა ჟელე არა ფორმებში, არამედ გასტერილებულ ქილებში ჩაასხით. მოხუფეთ, გაგრილება აცადეთ და ბნელ ადგილას დაზამთრებამდე შეინახეთ.
