ქართული ქაბაბი მზადდება არა ცხვრის ხორცით, არამედ საქონლის ხორცით. ქაბაბს ბევრი წარდგენა არ სჭირდება, იმდენად ყველასთვის საყვარელი კერძია.
ინგრედიენტები:
- ხორცი – 500 გ
- ხახვი – 200 გ
- ერბო – 2 სუფრის კოვზი
- შინდის ჩურჩა -1/2 ჩაის ჭიქა
- დანაყილი ორცხობილა – 2 სუფრის კოვზი
- მარილი და პილპილი – გემოვნებით
- კვერცხი – 1 ცალი
მომზადების წესი:
- რბილი ხორცი ხახვით გაატარეთ ხორცსაკეპ მანქანაში, გაუკეთეთ მარილი, ძალიან წვრილად დაკეპილი შინდის ჩურჩა ან კოწახური და დანაყილი პილპილი.
- გათქვიფეთ კვერცხი და ეს დაკეპილი ხორცი შიგ აურიეთ.
- აიღეთ დაკეპილი ხორცის პატარ-პატარა გუნდები, გაათხელეთ, დანით ამოავლეთ დანაყილ ორცხობილაში და შეწვით ორივე მხრიდან ერბოიან ცხელ ტაფაზე.
- როცა შეიწვება, ცოტა წყალი დაასხით და ადუღეთ რამდენიმე წუთი.
ესეც ასე უგემრიელესი ქაბაბი მზადაა. გემრიელად მიირთვით!
