კერძი ქართლსა და კახეთში მზადდება. მისი მთავარი ინგრედიენტია ქათმის ხორცი. მომზადების რეცეპტი კი ასეთია:
ინგრედიენტები:
- ქათამი 1 ცალი
- ხახვი 4-5 ცალი
- ერბო 100 გ
- ქინძი 50 გ
- დაფნის ფოთოლი 1-2 ცალი
- წითელი წიწაკა 1 ცალი
- მარილი გემოვნებით
მომზადების წესი:
- გასუფთავებული, გარეცხილი ქათამი დავჭრათ და ქვაბში ჩავყაროთ.
- მოვშუშოთ თავისივე ცხიმში.
- 10 წუთში დავუმატოთ ალყა-ალყა დაჭრილი ხახვი, ერბო, დაფნის ფოთოლი და მთელი წითელი წიწაკა.
- ვშუშოთ იქამდე, სანამ ქათამი არ შეწითლდება.
- დავასხათ იმდენი მდუღარე წყალი, რომ ხორცი დაიფაროს.
- გავაგრძელოთ ხარშვა. თუ შევატყობთ, რომ წვენი უშრება დავამატოთ თეთრი ღვინო. წვენი სქელი უნდა იყოს.
- ქათამი რომ მოიხარშება, შევაზავოთ მარილით და წვრილად დაჭრილი ქინძით.
გემრიელად მიირთვით!
