სადღესასწაულოდ კიბორჩხალის ჩხირებით სალათის მომზადება მიყვარს. მნიშვნელობა არ აქვს პეკინის კომბოსტოთი, ბარდით თუ სიმინდით იქნება, ყოველთვის ნოყიერი, გემრიელია და ბავშვობას მახსენებს. ბავშვობაში ხომ სალათი კიბორჩხალის ჩხირებით, ასევე ოლივიე და ჭარხალი ბეწვის ქვეშ ჩვენს მაგიდაზე აუცილებლად იყო.
დღეს ინტერნეტში ყველა სახის გემრიელობას იპოვით, ხოლო პროდუქტები წლის ნებისმიერ დროს და ნებისმიერი რაოდენობით ხელმისაწვდომია. საახალწლო მაგიდის კლასიკა ცოტა შევცვალე, ამიტომ არასტანდარტული სალათი გამოვიდა. ბარდა და სპეციალური სოუსი სალათს ნაზს და არომატულს ხდის. მის მომზადებას გირჩევთ!
ინგრედიენტები:
- 50 გრ მდნარი ყველი
- 1 კიტრი
- 4 კიბორჩხალის ჩხირი
- ხახვი გემოვნებით
- 1 ს/კ მაიონეზი
- 1 ს/კ ლიმონის წვენი
- 1 კბილი ნიორი
- დაფქული შავი წიწაკა გემოვნებით
- 150 გრ პეკინის კომბოსტო
- 2 კვერცხი
- 4 ს/კ ბარდა
- ოხრახუში გემოვნებით
- 1 ს/კ არაჟანი
- 1 გრ ტაბასკო სოუსი
- 1 ჩ/კ მარილი
მომზადების წესი:
1. პეკინის კომბოსტო წვრილად დაჭერით, მარილი მოაყარეთ, ლიმონის წვენი მოასხით.
2. კიტრი ზოლებად დაჭერით, ხოლო კიბორჩხალის ჩხირები ირიბად.
3. კვერცხი მოხარშეთ და შუაზე გაჭერით. კვერცხის გული მოაშორეთ. ცილა ზოლებად დაჭერით.
4. დაჭრილი მწვანე ხახვი, ოხრახუში და ბარდა დაუმატეთ.
5. საკაზმი მოამზადეთ: დარჩენილი კვერცხის გული და მდნარი ყველი (სასურველია, Hochland) ჩანგლით კარგად აურიეთ.
6. საკაზმს არაჟანი, მაიონეზი, ტაბასკო და დაპრესილი ნიორი დაუმატეთ. ერთგვაროვანი მასის მიღებამდე კარგად აურიეთ.
7. კერძს აურიეთ და სერვირების თეფშზე გადაიტანეთ.
8. სუფრაზე გატანის წინ სალათს წიწაკის ნარევი მოაყარეთ და საკაზმი მოასხით.
უფრო ლამაზი გარეგნობისთვის შეგიძლიათ კულინარიული პარკით სოუსის ბადე გააკეთოთ. გემრიელად მიირთვით!
