მწნილი ყურძნის გემო არაფრით ჩამოუვარდება ზეთისხილს, რომელიც სხვადასხვა რეცეპტში ხშირად გვხვდება. ყურძნის საოცარი წასახემსებელი რამდენიმე წუთში მზადდება. მაღაზიაში ზეთისხილის საყიდლად წასვლას დაივიწყებთ.
მწნილი ყურძენი
წასახემსებლის მოსამზადებლად ყურძენი სწორად შეარჩიეთ. ტკბილი და მსხვილი ყურძენი გამოიყენეთ. უკურკო ჯიში შესაფერისია. ყურძნის ფერს მნიშვნელობა არ აქვს, თუმცა ლურჯი ყურძენი ზეთისხილს უფრო წააგავს.
ინგრედიენტები:
- 500 გ ყურძენი
- 30 მლ ღვინის ძმარი
- 120 გ შაქარი
- 500 მლ წყალი
- 100 გ მცენარეული ზეთი
- დაფნის ფოთოლი
- 2 ტოტი როზმარინი
- 1 ჩ/კ მარილი
- წიწაკის მარცვალი
მომზადების წესი:
1. ყურძენი გადაარჩიეთ. მთელი კენკრა გარეცხეთ და ქაღალდზე გააშრეთ. დამსკდარი, ძალიან რბილი და დაზიანებული კენკრა არ გამოიყენოთ.
2. ყურძნის დასამწნილებლად სუფთა ქილები მოამზადეთ. პატარა ქილები გამოიყენეთ. ქილის ძირში წიწაკის მარცვლები, როზმარინის ტოტები და დაფნის ფოთოლი ჩააფინეთ. ამის შემდეგ ქილის ნახევარი ყურძნის ნაწილით გაავსეთ.
3. ქილის შუაში როზმარინი და ნიორი მოათავსეთ. შემდეგ ქილა დარჩენილი ყურძნით გაავსეთ. მარინადი მოამზადეთ. წყალი, შაქარი, მარილი, ძმარი და დანარჩენი სანელებლები ქვაბში აურიეთ. დაფნის ფოთოლი დაუმატეთ და ნარევი ქურაზე დადგით.
4. ადუღების შემდეგ ქურა გამორთეთ და მარინადი 15 წუთით გააჩერეთ. ყურძენს ცხელი მარინადი არ დაასხათ, რადგან ასე კენკრა დასკდება. სითხის ოდნავ გაგრილებას დაელოდეთ, შემდეგ ქილებში ჩაასხით. კოვზი ზეთი დაუმატეთ და მოხუფეთ. მწნილი ყურძენი 2–3 თვის შემდეგ შეგიძლიათ დააგემოვნოთ.
დამწნილებული ყურძენი საინტერესო წასახემსებელია. სტუმრები უჩვეულო ყურძენს სიამოვნებით გასინჯავენ და დამატებას მოგთხოვენ. ლუდთან მისაყოლებლად იდეალურია.
გარდა ამისა, მწნილი ყურძნის ხორციან კერძთან ერთად მირთმევა სცადეთ. საოცარი კომბინაცია ყველას მოეწონება. თევზის კერძსაც უხდება. ლამაზი და უჩვეულო გამოვა.
