საიდუმლოს არავისთვის წარმოადგენს, რომ შარლოტამ დიასახლისები გული უკვე დიდი ხანია და მტკიცედ დაიპყრო. ცოტამ თუ იცის, რომ ამ ტრადიციულ ტკბილეულს ავტორი ჰყავს – ფრანგი მზარეული მარი ანტუან კარემი. ამბობენ, რომ კერძის სახელი ინგლისის მეფის ჯორჯ IV დედის, დედოფალი შარლოტას საპატივცემულოდ დაარქვა. საბჭოური კულინარიული წიგნის შემქმნელები დიდხანს და ჯიუტად სამეფო დესერტს „ჰაეროვან ვაშლის პეროგს“ უწოდებდნენ. თქვენმა პეროგმა სახელი რომ გაამართლოს, რამდენიმე დეტალი უნდა იცოდეთ. Gastronomia.ge-ს რედაქციამ ყველაფერი ერთად შეკრიბა და ფაფუკი შარლოტას დეტალურ რეცეპტს გიზიარებთ.
ფაფუკი შარლოტას დეტალური რეცეპტი
ინგრედიენტები:
- 1 კგ ვაშლი
- 4 კვერცხი
- 1 ჭიქა ფქვილი
- 1 ჭიქა შაქარი
- 30 გრ კარაქი
- 1 პაკეტი ვანილის შაქარი
- 1 ს/კ გამაფხვიერებელი
- დარიჩინი გემოვნებით
- ნიგოზი გასაფორმებლად
მომზადების წესი:
1. ვაშლი გაასუფთავეთ და პატარა ნაჭრებად დაჭერით.
2. კვერცხის ცილა და გული ფრთხილად დააცალკევეთ. კვერცხის ცილა სუფთა, მშრალ თასში გადაიტანეთ. წინააღმდეგ შემთხვევაში ცუდად აითქვიფება.
3. კვერცხის ცილები მიქსერით მყარი ქაფის მიღებამდე ათქვიფეთ. ასე შარლოტა უფრო ფორებიანი, ფაფუკი და ძალიან რბილი გახდება.
4. კვერცხის გულები, შაქარი, ვანილის შაქარი და გამაფხვიერებელი აურიეთ.
5. ათქვეფილი კვერცხის ცილებს ფქვილი დაუმატეთ და აურიეთ. ახლა კვერცხის გულების ნარევი დაუმატეთ და ერთგვაროვანი მასის მიღებამდე აურიეთ.
6. საცხობ ფორმას (22 სმ დიამეტრი) ქაღალდი დააფინეთ და ზეთი წაუსვით.
7. ფხვიერი ნამცხვარი დააბლენდერეთ.
8. ფორმას ფხვიერი ნამცხვრის ნაფშვენი მოაყარეთ.
9. დაჭრილი ვაშლი ფორმაში გადაიტანეთ და დარიჩინი მოაყარეთ.
10. ვაშლს თხევადი ცომი დაასხით.
11. სურვილისამებრ, ნიგვზის ნაჭრებით გააფორმეთ.
12. 190 გრადუსამდე გახურებულ ღუმელში აცხვეთ. 10-15 წუთით ამოსვლა აცადეთ, შემდეგ ტემპერატურას 170 გრადუსამდე დაუწიეთ და კიდევ 30 წუთით აცხვეთ. მზაობა კბილის ჩხირით შეამოწმეთ.
13. გემრიელად მიირთვით!
