თუ დაბრაწულ, ფაფუკ ღვეზელებს გულგრილად ვერასოდეს უვლით გვერდს, ესე იგი ეს მარტივი რეცეპტი სათქვენოა. ასე მომზადებული ღვეზელი გამოდის ჰაეროვანი და სუპერ–მსუბუქი.
ინგრედიენტები:
- 200 გ შაქარი
- 125 გ ქოქოსის ფანტელი
- 75 გ ფქვილი
- 2 ჩაის კოვზი დაფქული დარიჩინი
- 250 მლ რძე
- 250 მლ ქოქოსის რძე
- 4 დიდი კვერცხი, ოდნავ ათქვეფილი
- 125 გ კარაქი, გამდნარი
- 2 ჩაის კოვზი წმინდად გახეხილი ლიმონის ცედრა
- 400 გ დაკონსერვებული ატამი, შუა-შუა გაჭრილი, გადაწურული და მსხვილად დაჭრილი
- 40 გ ნუშის ფანტელი
- ათქვეფილი ნაღები – სუფრაზე მისატანად
ულუფა: 6-8
მომზადება: 15 წუთი
ცხობა: 40-45 წუთი
დონე: 1
მომზადების წესი:
- გააცხელეთ ელექტროღუმელი 180 გრადუსზე.
- მოუსვით ცხიმი 23 სმ დიამეტრის მქონე საცხობ ფორმას.
- შაქარი, ქოქოსი, ფქვილი და დარიჩინი საშუალო ზომის ჯამში კარგად შეურიეთ.
- ცალკე ათქვიფეთ რძე, ქოქოსის რძე, კვერცხი, კარაქი და ლიმონის ცედრა. დაუმატეთ მშრალი ინგრედიენტები და დაჭრილი ატამი. კარგად მოურიეთ.
- მომზადებული ცომი ყალიბში გადაიტანეთ და მოაყარეთ ნუში.
- აცხვეთ 40-45 წუთი, სანამ ოქროსფერი არ გახდება.
- სუფრაზე მიიტანეთ ათქვეფილ ნაღებთან ერთად.
