დროდადრო ყველა მზრუნველი დიასახლისი ცდილობს, რომ ოჯახი გემრიელი კერძებით გააოცოს. გარდა ამისა, რაღაც ახლის დაგემოვნება ან საყვარელი კერძის გაუმჯობესება ჩვენთვისაც საინტერესოა. Gastronomia.ge–ს რედაქცია გიამბობთ, რით ანებივრებს ალა პუგაჩოვა ოჯახს სამზარეულოში.
აღმოჩნდა, რომ პრიმადონა არა მხოლოდ სცენაზე, არამედ სამზარეულოშიც კაშკაშებს. ამბობენ, რომ მისი კატლეტი ვაშლით და სხვადასხვა სახეობის ხორცით იმდენად ნაზი, წვნიანი და არომატული გამოდის, რომ ანალოგი არ აქვს. ალას მომზადებულ კატლეტებს აქებს მისი მეუღლე, შვილები, მეზობლები და შოუბიზნესის ვარსკვლავები, რომლებმაც მისი კულინარიული ქმნილების დაგემოვნება მოახერხეს.
კატლეტი ვაშლით ალა პუგაჩოვას რეცეპტით: მომზადების ნიუანსები
მომღერალი ღორის, ძროხის და ცხვრის ხორცს თანაბარი პროპორციით ურევს. ასე მზა კერძის გემო უფრო მდიდრული და ხორციანი ხდება. თუ ცხვრის ხორცი არ გიყვართ, ქათმის ან ინდაურის ხორცი დაუმატეთ. თუ სახლში ვაშლი არ გაქვთ, კივით ან კომშით თამამად ჩაანაცვლეთ. აი, ბანანი გამოგადგებათ, თუ სახლში კვერცხი არ გაქვთ. ნახევარი ხილი 1 საშუალო ზომის კვერცხს მარტივად ჩაანაცვლებს. ბანანის გემო არ დარჩება, მაგრამ ფარშიდან კატლეტებს უკეთ გამოძერწავთ.
ინგრედიენტები:
- 300 გ ღორის ხორცი
- 300 გ ცხვრის ხორცი
- 300 გ ძროხის ხორცი
- 1 კვერცხი
- 1 ვაშლი
- 1 ხახვი
- 1 ჩ/კ მარილი
- დაფქული შავი წიწაკა გემოვნებით
- 100 გ პური
მომზადების წესი:
1. პირველ რიგში, რამდენიმე სახეობის ხორცისგან ფარში მოამზადეთ და აურიეთ. ხახვი დაჭერით, ძალიან წვრილად დაჭრა საჭირო არაა.
2. თეთრი პური ან რამდენიმე მარილიანი ფუნთუშა (3 ნაჭერი) რძეში წინასწარ ჩაალბეთ. ფარშს დაუმატეთ მარილი, წიწაკა, დაჭრილი ხახვი, ჩალბობილი პური და კარგად აურიეთ.
3. ფარშს უმი კვერცხი დაუმატეთ. კვერცხის გარეცხვა არ დაგავიწყდეთ, სანამ გატეხავთ. ალა პუგაჩოვას რეცეპტით, ფარშს წვრილად გახეხილი ვაშლი დაუმატეთ.
4. ყველაფერს სათანადოდ აურიეთ. მიღებული ფარშიდან ლამაზი კატლეტები გამოძერწეთ, შემდეგ ფქვილში ან საფანელში ამოავლეთ.
5. კატლეტები ორივე მხრიდან ტაფაზე ცხელ ზეთში შეწვით. სურვილისამებრ, ცოტა ხნით ქვაბში ჩაშუშეთ.
სხვადასხვა სახეობის ხორცის ნარევი კატლეტს ფაფუკს და ჰაეროვანს ხდის. დამატებით ვაშლის საინტერესო გემო აქვს. სცადეთ! გემრიელად მიირთვით!
