კამა ისეთი მცენარეა, რომელიც ნებისმიერ კერძს უხდება: შესანიშნავი არომატი აქვს, საინტერესო გემოს სძენს და სასარგებლოცაა. ზაფხულის კერძები კამის გარეშე წარმოუდგენელია, განსაკუთრებით ხორცი და თევზი. თუნდაც რეცეპტი მას არ ითვალისწინებდეს, მოსართავად გამოიყენებთ.
ზაფხული საერთოდ ოქროს პერიოდია: სხვადასხვა მწვანილი უხვადაა, მაგრამ როგორ შევინარჩუნოთ ივნისის ნაწილი ზამთრამდე? პასუხი მარტივია: მოამზადეთ კამის სოუსი. თუ როგორ – ამას ჩვენი რედაქცია მოგითხრობთ. სულ რაღაც 10 წუთი დაგჭირდებათ.
ინგრედიენტები
- 2 კონა კამა
- 100 მლ მზესუმზირის ზეთი
- 1 ც ლიმონი
- 1 კბ ნიორი
- 0,5 ჩ.კ. ლიმონის ცედრა
- მარილი გემოვნებით
მომზადება
- დაჭერით კამა წვრილად და შეასრისეთ მარილი.
- გახეხეთ ლიმონის ცედრა წვრილად, დაწურეთ ცალკე ლიმონის წვენი და დაუმატეთ სოუსს.
- გაატარეთ ნიორი და დაუმატეთ მასას.
- დაასხით ზეთიდა კარგად მოურიეთ ინგრედიენტებს. სოუსი მზადაა! შეგიძლიათ შეინახოთ მაცივარში.
კამის სოუსი შესანიშნავად ეხამება ხორცისა და თევზის კერძებს. გაგიმხელთ ერთ საიდუმლოს: შეგიძლიათ ყველა ინგრედიენტი ერთად დააბლენდეროთ. ასე უფრო სწრაფიცაა და მასა ნაზ ტექსტურას იღებს. გაუზიარეთ ეს რეცეპტი მეგობრებს!
