ბადრიჯნისგან ბევრნაირი კერძის მომზადება შეიძლება. გასტრონიმია გთავაზობთ მათ შორის ერთ-ერთი გამორჩეული კერძის რეცეპტს – ბადრიჯანი სტაფილოს სატენით, უგემრიელესია!
ინგრედიენტები:
- ბადრიჯანი – 1,500 გრამი
- სტაფილო – 300 გრამი
- ხახვი – 200 გრამი
- ოხრახუში – 1 ჩაის ჭიქა
- პამიდვრის წვენი – 1 კილოგრამი
- მარილი – გემოვნების მიხედვით
მომზადების წესი:
- სტაფილო კარგად გავრეცხოთ ცხელ წყალში და ნახევრად მოვხარშოთ.
- თხელი კანი მოვაცილოთ და დავჭრათ წვრილ ჩხირებად. ოდნავ მოვშუშოთ წვრილად დაჭრილ ხახვთან და ოხრახუშთან ერთად, შევანელოთ მარილით. ამით გამოვტენოთ ბადრიჯნები, რომლებსაც წინასწარ ამოვაჭრით შიგა ნაწილს.
- შემდეგ ბადრიჯნები ჩავაწყოთ ქვაბში, მოვაყაროთ მარილი, დავასხათ რამდენიმე კოვზი ზეთი, 1 კილოგრამი ახალი პამიდორის წვენი ან რამდენიმე კოვზ წყალში არეული ტომატი.
- შევდგათ გაზქურაზე, ვხარშოთ დაახლოებით 1 საათის განმავლობაში. შემდეგ ბადრიჯნები ფრთხილად ამოვალაგოთ, რომ არ დაიშალოს, დავაწყოთ ლანგარზე, ზემოდან მოვასხათ ქვაბში დარჩენილი წვენი. სუფრაზე მივიტანოთ ცივად.
