ძალიან გემრიელი ფაფუკი ფუნთუშები, ძალიან გავს ნამცხვარს,მარტივი,სწრაფი,საოცარი გემო.
ინგრედიენტები
ცომისთვის
- 380გ ფქვილი
- 5გ მშრალი საფუარი ან 15გ ცოცხალი
- 75გ შაქარი
- მწიკვი მარილი
- 15გ მშრალი რძე ან ხსნადი ნაღები ყავისთვის
- 40გ გამღვალი კარაქი
- 1 კვერცხი
- 200მლ რძე
კრემისთვის
- 350მლ რძე
- 2 კვერცხის გული
- 2 სუფრის კოვზი სახამებელი
- 4 სუფრის კოვზი შაქარი
- ვანილი
- 40გ დარბილებული კარაქი
მომზადება
- მოვამზადოთ ცომი: თბილ რძეს დაუმატეთ სფუარი, შაქარი, ცოტა ფქვილი და მიღებული მასა მოათავსეთ თბილ ადგილას.
- როცა საფუარი დაიწყებს მოქმედებას, დაუმატეთ ათქვეფილი კვერცხი.
- ფქვილი, ნაღები (რძე) და მარილი დაუმატეთ საფუარიან მასას, მოაყარეთ ფქვილი, მოზილეთ ცომი.
- დაუმატეთ გამღვალი (გაგრილებული) კარაქი და ისევ მოზილეთ.
- ცომი უნდა გამოგივიდეთ წებოვანი, მაგრამ მეტი ფქვილი არ დაუმატოთ. ცომს დააფარეთ პირსახოცი და თბილ ადგილას მოათავსეთ 2 საათი.
- მოვამზადოთ კრემი: თბილ რძეს დაუმატეთ სახამებელი, კვერცხის გული, შაქარი, ვანილი და მოათავსეთ საშუალო ცეცხლზე, ურიეთ განუწყვეტლივ, რათა შესქელდეს.
- გააგრილეთ, დაუმატეთ კარაქი, ათქვიფეთ.
- ამოსული ცომი ჩაზილეთ, სამუშაო მაგიდა დაამუშავეთ ფქვილით და ცომი გაყავით 15 ნაწილად.
- გააბრტყელეთ თითოეული ნაწილი 12-15სმ, ზემოთა კუთხიდან გამოტოვეთ 3სმ და მოათავსეთ ჩაის კოვზი კრემი.
- კრემს გადააფარეთ ცომი და კარგად დააფიქსირეთ კუთხეები, დარჩენილი ნაწილები დაჭერით გრძლად.
- ფუნთუშები მოათავსეთ გამოსაცხობ ფორმაზე და დაელოდეთ 20 წუთი.
- ფუნთუშებს წაუსვით კვერცხის გული. გამოაცხეთ 180 გრადუსზე 15 წუთი.
- მზა ფუნთუშებს დააფარეთ პირსახოცი და დაასვენეთ 10-15 წუთი, მოაყარეთ შაქრის ფხვნილი.
გემრიელად მიირთვით!
