Gastronomia.ge-ს რედაქცია გთავაზობთ ძალიან წვნიანი და ნაზი კატლეტების რეცეპტს. ოჯახის წევრები ღირსეულად დააფასებენ. ნებისმიერ გარნირს, განსაკუთრებით კარტოფილის პიურეს შესანიშნავად ეთავსება.
ინგრედიენტები:
- 150 გრ ფარში
- 1 კვერცხი
- 200 გრ წიწიბურა
- 1 ჩ/კ მარილი
- 1 ჩ/კ პაპრიკა
- 500 მლ ცხელი წყალი
- წიწაკა და სანელებლები
- 2 ს/კ ფქვილი
- 500 გრ კარტოფილი
- 3 ს/კ კეტჩუპი ან პომიდვრის სოუსი
მომზადების წესი:
- წიწიბურა დააქუცმაცეთ და ცხელი წყალი დაასხით, თავსახური დაახურეთ და 5 წუთით გააჩერეთ.
- ფაფას მარილი, წიწაკა, კვერცხი, სანელებლები და ფარში დაუმატეთ და ერთგვაროვანი მასის მიღებამდე აურიეთ.
- მასიდან კატლეტები გააკეთეთ, ფქვილში ამოავლეთ და მცენარეულ ზეთში ორივე მხრიდან შეწვით.
- კარტოფილი თხელ ნაჭრებად დაჭერით და ტაფაზე ერთ ფენად დააწყვეთ.
- ზემოდან კეტჩუპი ან პომიდვრის სოუსი მოასხით და კატლეტები დაადეთ.
- ტაფაში 200 მლ ცხელი წყალი ჩაასხით, თავსახური დაახურეთ და სუსტ ცეცხლზე 20 წუთით თუშეთ.
- სუფრაზე გატანის წინ მწვანილი და სურვილისამებრ დაქუცმაცებული ნიორი მოაყარეთ.
- გემრიელად მიირთვით!
