დღეს Gastronomia.ge-ს რედაქცია გიზიარებთ ჰაეროვანი ღვეზელის რეცეპტს, რომელიც პირველივე ჩაკბეჩაზე თქვენი და თქვენი სტუმრების გულს დაიპყრობს.
ცომის ინგრედიენტები:
- 380-400 გრ ხორბლის ფქვილი
- 5 გრ მშრალი ან 15 გრ ახალი საფუარი
- 200 მლ რძე
- 1 კვერცხი
- 75 გრ შაქრის ფხვნილი
- 15 გრ მშრალი რძე (ან ხსნადი ნაღები ყავისთვის)
- 40 გრ კარაქი
- მარილი გემოვნებით
კრემის ინგრედიენტები:
- 350 მლ რძე
- 2 კვერცხის გული
- 2 ს/კ სახამებელი
- 4 ს/კ შაქრის ფხვნილი
- 1 პაკეტი ვანილი
- 40 გრ კარაქი
მომზადების წესი:
- რძე ოდნავ შეათბეთ (გაცხელება საჭირო არაა). საფუარი, შაქრის ფხვნილი და ცოტა ფქვილი დაუმატეთ. თბილ ადგილას გაიტანეთ.
- როცა საფუარი დაბუშტვას დაიწყებს, კვერცხი დაუმატეთ.
- ყველა მშრალი ინგრედიენტი (ფქვილი, მშრალი რძე ან ნაღები, მარილი) აურიეთ.
- თანდათან საფუარის მასას ფქვილის მასა დაუმატეთ და ცომი მოზილეთ.
- კარაქი გაადნეთ და გააგრილეთ. ცომს დაუმატეთ და კვლავ მოზილეთ.
- წებოვანი ცომი გამოვა, მაგრამ მეტი ფქვილი არ დაუმატოთ. პირსახოცი გადააფარეთ და თბილ ადგილას 2 საათით გააჩერეთ.
- ამოსული ცომი ჩაზილეთ.
- სამუშაო ზედაპირს ფქვილი მოაყარეთ და ცომი 15 რგოლად დაყავით.
- რგოლები 12-15 სმ დიამეტრად გააბრტყელეთ, თითოეულის ცენტრში 1 ჩაის კოვზი კრემი ჩადეთ. ღვეზელის ფორმა მიეცით, კუთხეები კარგად შეკარით.
- დარჩენილი ცომი ზოლებად დაჭერით და ამით ღვეზელები გააფორმეთ.
- საცხობ ფორმას ქაღალდი დააფინეთ, მასზე ღვეზელები გადაიტანეთ და 20 წუთით გააჩერეთ. ღვეზელებს ათქვეფილი კვერცხი წაუსვით.
- 180 გრადუსამდე გახურებულ ღუმელში ზუსტად 15 წუთით ოქროსფერ შეფერილობამდე აცხვეთ. მზა ღვეზელს პირსახოცი დააფარეთ და 10-15 წუთით გააჩერეთ, შემდეგ შაქრის ფხვნილი მოაყარეთ და სუფრაზე გაიტანეთ.
- მოხარშული კრემის მოსამზადებლად სახამებელი თბილ რძეში გახსენით, კვერცხის გულები, შაქრის ფხვნილი და ვანილი დაუმატეთ, საშუალო ცეცხლზე დადგით, მუდმივად აურიეთ, სანამ არ გასქელდება. გააგრილეთ. რბილი (არა გამდნარი) კარაქი დაუმატეთ და ათქვიფეთ.
- გემრიელად მიირთვით!
