ბრილიანტები მუდმივია, ფხვიერი ბრილიანტების პიერ ერმეს გარდა. ხრაშუნა გარედან, ნაზი და ფხვიერი შიგნით, ისინი სუფრიდან ჯადოსნური ჯოხის მოქნევის მსგავსად ქრება.
სახელი პიერ ერმე საკონდიტრო საქმეში მაღალ ხელოვნებას სამართლიანად უკავშირდება. ჟურნალი Vogue მას საკონდიტრო ხელოვნების პიკასოს უწოდებს, ხოლო New York Times მას „სამზარეულოს იმპერატორის“ წოდებას ანიჭებს. მთელი მსოფლიოს გურმანები ამ ნიჭიერ მზარეულს გემოს სფეროში პიონერად მიიჩნევენ.
Sables diamanths („ფხვიერი ბრილიანტები“) – პიერ ერმეს საავტორო რეცეპტია. თავიდან ამ ფხვიერმა ნამცხვარმა ორიგინალური სახელით მიმიზიდა, მაგრამ ავტორის გაგების შემდეგ მივხვდი – შეუძლებელია რომ უგემური იყოს.
ნამცხვარი ძალიან ნაზი, ფხვიერი და, რაც არანაკლებ მნიშვნელოვანია, ძალიან ხელმისაწვდომი პროდუქტებისგან სწრაფად მზადდება. სახელი წაკვეთილი პირამიდის ფორმის გამო მიიღო. ფხვიერი ნამცხვრის გვერდები შაქრის კრისტალებითაა დაფარული, რომლებიც ბრილიანტების მსგავსად ბზინავენ.
ძალიან გემრიელი ფხვიერი ნამცხვარი
ინგრედიენტები:
- 100 გრ შაქარი
- 1 გრ ვანილი (ორიგინალურ რეცეპტში 0,5 ჩ/კ თხევადი ვანილი)
- 90 გრ მარილიანი კარაქი
- 150 გრ ტკბილი კარაქი
- 325 გრ ფქვილი
- 4-5 ს/კ მსხვილი შაქარი (მოსაყრელად)
მომზადება:
1. წინასწარ დარბილებული კარაქი და შაქარი აურიეთ.
2. ამის გაკეთება მიქსერით უფრო მოსახერხებელია. ნამცხვარი ფხვიერი რომ გამოვიდეს, სწრაფად აურიეთ.
3. ვანილი დაუმატეთ და მასას კარგად აურიეთ.
4. გაცრილი ფქვილი დაუმატეთ, რბილი და გლუვი ცომი მოზილეთ.
5. მიღებული ცომი 2 თანაბარ ნაწილად გაყავით. თითოეულიდან 2-3 სმ დიამეტრის ძეხვი გააკეთეთ და საკვები ცელოფნით შეახვიეთ.
6. მიღებული ძეხვები 30 წუთით მაცივარში შეინახეთ, შემდეგ გამოიღეთ და გამოყენებამდე 10 წუთით გააჩერეთ.
7. ამრიგად, ცომი შიგნით მაგარი, მაგრამ გარედან უფრო დამყოლი იქნება. ეს აუცილებელია, რომ შაქრის კრისტალებით თანაბრად დაფაროთ.
8. ძეხვებს საკვები ცელოფანი მოაშორეთ და შაქარში ამოავლეთ.
9. ამის შემდეგ 2 სმ სისქის ნაჭრებად დაჭერით. უფრო თხელი არ გააკეთოთ, რადგან სწორედ ასეთი სისქე ანიჭებს ნამცხვარს დამახასიათებელ ფორმას.
10. ფხვიერი ბრილიანტები წინასწარ პერგამენტ დაფარებულ საცხობ ფორმაზე მოათავსეთ. ნამცხვრებს შორის დაშორება მინიმუმ 3 სმ უნდა იყოს.
11. ნამცხვრები 200 გრადუს ტემპერატურაზე 13-14 წუთით ლამაზი, ოქროსფერი შეფერილობის მიღებამდე შეწვით. ყურადღება მიაქციეთ, რომ ფხვიერი ნამცხვარი არ დაიწვას, რადგან ღუმელი ყველას სხვადასხვა აქვს, ზოგს შეიძლება უფრო ნაკლები დრო დასჭირდეს.
12. ნამცხვარი პიერ ერმესგან მზადაა! გემრიელად მიირთვით!
თუ თქვენ ნამდვილი კულინარიული ჯადოქარი ხართ, ტკბილი ბრილიანტები გადააქციეთ ლალად, ზურმუხტად, ამეთვისტოდ, საფირონად და ა.შ.
ამის გაკეთება საკონდიტრო საღებავებით რთული არაა. ბავშვები ასეთი მეტამორფოზით ძალიან გამხიარულდებიან და ფერად ტკბილეულს სიამოვნებით მიირთმევენ.
ეს შესანიშნავი რეცეპტები მეგობრებს სოციალურ ქსელში აუცილებლად გაუზიარეთ.
