საუცხოო მობრაწულა: ღორის ფარში არაჟნისა და მდოგვის სოუსში თქვენი სავიზიტო ბარათი გახდება

1147

ყველამ იცის, თუ რა სირთულეები ახლავს თან ცომის ნაწარმის მომზადებას, განსაკუთრებით, თუ ცომს თავად ამზადებ. ბისკვიტი, რომელიც არ ამოვიდა, ან შიგთავსი, რომელიც ბოლომდე არ გამოცხვა – ჟანრის კლასიკაა. მაგრამ არსებობს რეცეპტები, რომლებიც მუდამ მომგებიანია – მაგალითად, ლავაშის მობრაწულა ხორცით.

“გასტრონომიას” რედაქციისთვის ასეთი რეცეპტები განსაკუთრებით ფასეულია: ისინი თანამედროვედ მარტივია და კლასიკის იერსახეც დაჰკრავს. ლავაში ხორცით ნაზ სოუსში – ეს უკვე თითქმის ლაზანიაა.თუმცა, ამ შემთხვევაში ბეშამელის სოუსს მდოგვისა და არაჟნის ნაზი სოუსი ანაცვლებს. პიკანტური სიცხარეც არ იქნება ზედმეტი. სცადეთ და თავად დარწმუნდებით.

ინგრედიენტები

  • 500 გრ ღორის ფარში
  • 3 ც ლავაში
  • 1 ც ხახვი
  • 2 ც პომიდორი
  • კამა გემოვნებით
  • 3 კვერცხი
  • 1 ს.კ. მდოგვი
  • 200 მლ არაჟანი
  • 150 გრ მაგარი ყველი
  • ზეთი გემოვნებით
  • მარილი, შავი პილპილი გემოვნებით

მომზადება

  1. დაჭერით ხახვი და მოთუშეთ ზეთში.
  2. დაამატეთ ფარში, მოთუშეთ 15 წუთის განმავლობაში, დაამატეთ მარილი, პილპილი და დაჭრილი კამა. მოხსენით ტაფა ცეცხლიდან.
  3. ათქვიფეთ კვერცხი, მდოგვი და არაჟანი, დაუმატეთ ცოტაოდენი მარილი.
  4. გაშალეთ ლავაშები, თანაბრად წაუსვით ფარში, მოათავსეთ რგოლებად დაჭრილი პომიდორი, დაახვიეთ რულეტები და დაჭერით 2-3 ნაწილად.
  5. წაუსვით საცხობ ფორმას ზეთი, დაალაგეთ ლავაშები ერთმანეთთან მჭიდროდ. მოასხით სოუსი, მოაყარეთ ყველი. შედგით 170 გრადუსამდე გახურებულ ღუმელში 30 წუთით.

ხორცის მობრაწულა მოხერხებულად იჭრება ულუფებად. უთხელესი ცომი არ ტვირთავს კერძს, ამიტომ ხორცის დიდი ულუფა გარანტირებულია. ამ კერძის მომზადებას ნებისმიერი გაუმკლავდება, თუმცა მას უბრალოს ვერ ვუწოდებთ. სურვილისამებრ, დაამატეთ საყვარელი სუნელები გემოს გასამდიდრებლად. მოამზადეთ სიამოვნებით და გაუზიარეთ რეცეპტი მეგობრებს!