სამარხვო პიცა. იდეალური საფუვრიანი ცომის რეცეპტი ლილია ცვიტისგან

238

პიცის გამოცხობა მომინდა, მაგრამ ერთი პრობლემაა. ცომის მომზადებას ყოველთვის გავურბოდი. მეგონა, რომ რთული საქმე იყო. ამჯერად იდეალური რეცეპტი ვიპოვე. სამარხვო პიცა იმდენი გემრიელი გამოვიდა, რომ უკვე მეორედ ვაცხობ. აღმოჩენის გაზიარებას ვჩქარობ.

შინ მომზადებული სამარხვო პიცა

ხორცს და სხვა ცხოველურ პროდუქტს რამდენიმე წელია აღარ ვჭამ. კაფე–რესტორნებში პიცას არ ვუკვეთავ. მას ხომ ყველს და სხვა პროდუქტებს უმატებენ. ვეგანობა პიცაზე უარის თქმას არ ნიშნავს. სუპერმარკეტში ვეგანური ყველი და ძეხვი შეგიძლიათ შეიძინოთ. ამ ინგრედიენტებით სამარხვო პიცა იდეალური გამოდის.

უკრაინელი მზარეულის და ბლოგერის, ლილია ცვიტის ცომის რეცეპტმა შემიცვალა წარმოდგენა, როგორი უნდა იყოს პიცის ცომი. ახლა მხოლოდ ასე ვამზადებ და თქვენც გირჩევთ.

ცომის ინგრედიენტები:

  • 250 მლ თბილი წყალი
  • 1 ჩ/კ მშრალი საფუარი
  • 1 ჩ/კ მარილი
  • 350 გ ხორბლის ფქვილი
  • 1 ს/კ ზეითუნის ზეთი
  • 1 ჩ/კ შაქარი

შიგთავსის ინგრედიენტები:

  • 1 პომიდორი
  • 0,5 ბულგარული წიწაკა
  • 100 გ ვეგანური ყველი
  • 100 გ ვეგანური ძეხვი
  • პომიდვრის პასტა

მომზადების წესი:

1. წყალი 38 გრადუსამდე შეათბეთ, რომ საფუარი კარგად გააქტიურდეს. წყალს დაუმატეთ შაქარი, მარილი, საფუარი და ზეთი (მაგალითად, ზეითუნი). აურიეთ, რომ ინგრედიენტები გაიხსნას.

2. მთელი გაცრილი ფქვილი დაუმატეთ და ოდნავ აურიეთ, რომ ინგრედიენტები შეაერთოთ. ძლიერ მოზელა არ სჭირდება. 10 წუთით ასე გააჩერეთ.

3. ცომი 10 წუთით რეზინის სპატულით მოზილეთ. ასე წებოვანი ცომი ხელზე არ მიგეკვრებათ. ფქვილი აღარ დაუმატოთ. ცომი წებოვანი უნდა იყოს.

4. რეზინის ხალიჩას ზეთი წაუსვით და ცომი გადაიტანეთ. მართკუთხედად გაწელეთ, შემდეგ კონვერტივით დაკეცეთ და დააგუნდავეთ. თასი დააფარეთ და 1–1,5 საათით გააჩერეთ.

5. ამოსული ცომი 2 ნაწილად გაყავით. საცხობ ფორმას პერგამენტის ქაღალდი დააფინეთ და ცომის ერთი ნაწილი გადაიტანეთ. წრიულად გააბრტყელეთ. ხელებზე ზეთი წაისვით, რომ ადვილად გააბრტყელოთ. საგორავით გაგიჭირდებათ. ზედმეტად ჰაეროვანი, ელასტიური და რბილია.

6. ღუმელი 180 გრადუსამდე გაახურეთ. ცომს პომიდვრის პასტა წაუსვით, ზემოდან დააწყვეთ ძეხვის, პომიდვრის და ბულგარული წიწაკის რგოლები. გახეხილი ყველი უხვად მოაყარეთ.

7. 15-17 წუთით აცხვეთ. თხელი ცომი გამოცხობას მოასწრებს, ხოლო ყველი გადნობას. ღუმელიდან პირდაპირ სუფრაზე გაიტანეთ.

რედაქციის რჩევა

ყველი ზოლებად დაჭერით და პიცის ცომის კიდეებში გაახვიეთ. ასე უფრო ლამაზ, გემრიელ და ორიგინალურ პიცას მიიღებთ.

რეცეპტით აღფრთოვანებული ვარ და თქვენც გირჩევთ. მომავალში პატარა პიცების გამოცხობას ვაპირებ. ცომი მართკუთხედად უნდა გააბრტყელოთ, შიგთავსი დაუმატოთ და რულეტივით დაახვიოთ. შემდეგ უბრალოდ პატარა ნაჭრებად დაჭრათ.