თუ გსურთ, გაამრავალფეროვნოთ თქვენი საუზმე, ჩვენი რედაქცია გთავაზობთ ამ უჩვეულო დესერტის მომზადებას. ჰაეროვანი ბრინჯი მოხარშულ კრემში, დაფარული მარილიანი კარამელით, არავის დატოვებს გულგრილს, მათ შორის იმ ადამიანებსაც, რომლებიც ვერ იტანენ ფაფებს.
როგორ მოვამზადოთ ბრინჯი გემრიელად
რა შეიძლება მოამზადოთ ბრინჯისგან სწრაფად და გემრიელად, ჩვეულებრივი ფლოვის გარდა? სცადეთ ჰაეროვანი პუდინგის მომზადება კარამელით.
მართალია, ეს არ არის ბრინჯის ფაფის მომზადების ყველაზე ჩვეულებრივი მეთოდი, თუმცა, თუ ამ დესერტს ერთხელ მაინც გასინჯავთ, აუცილებლად მოამზადებთ მას ყოველ დილით.
ინგრედიენტები ფაფისთვის
- 100 გრ ბრინჯი
- 150 მლ ნაღები (10%-იანი)
- 2 კვერცხის გული
- 40 გრ ყავისფერი შაქარი
- 150 მლ წყალი
ინგრედიენტები კარამელისთვის
- 140 მლ ნაღები (33%-იანი)
- 95 გრ ყავისფერი შაქარი
- 50 გრ შაქარი
- 2 ჩ.კ. სოიოს სოუსი
მომზადების წესი
1. კარამელის მოსამზადებლად ღრმა ჭურჭელში ჩაყარეთ შაქარი და დაბალ ცეცხლზე დაადგით. არ მოურიოთ შაქარს.
2. ცალკე ქვაბში კარგად გაათბეთ ნაღები. ფრთხილად დაუმატეთ იგი მთლიანად კარამელიზებულ შაქარს. მოურიეთ, მოადუღეთ რამდენიმე წუთით და დაუმატეთ კარაქი. დატოვეთ ცეცხლზე კიდევ 3 წუთით.
3. შემდეგ კარამელს სოიოს სოუსი დაუმატეთ, გადაიტანეთ იგი ცალკე ჭურჭელში და დაახურეთ თავსახური.
4. ბრინჯის ფაფა მოხარშეთ ზუსტად ისე, როგორც ჩვეულებრივ ამზადებთ მას. ათქვიფეთ კვერცხის ცილა შაქართან და ნაღებთან ერთად, შემდეგ დაუმატეთ ბრინჯს და მოხარშეთ, სანამ ფაფა არ გასქელდება.
5. გადაანაწილეთ ბრინჯის ფაფა ჭიქებში ან დესერტის პატარა თასებში. ზემოდან კარამელი მოასხით. დესერტი შეგიძლიათ მიირთვათ როგორც ცხელ, ისე ცივ მდგომარეობაში. გემრიელად მიირთვით!
