თეთრი კომბოსტოს ფოთლები და სტაფილო მარინადში იძენენ მწარე, პიკანტურ გემოს, ცხარე ინგრედიენტების წარმატებული კომბინაციით. მარინირებული ტოლმა იდეალური წასახემსია წელიწადის ნებისმიერ დროს.
ინგრედიენტები
- 1 თავი თეთრი კომბოსტო
- 3 კბილი ნიორი
- 2 ც ბულგარული პილპილი
- 1 ც წიწაკა ჩილი
- 5 ს.კ. შაქარი
- ბაჰარი გემოვნებით
- 100 მლ ძმარი
- 500 გრ სტაფილო
- 1 ც ჭარხალი
- 1 ც ხახვი
- 1 ლ წყალი
- 2 ც დაფნის ფოთოლი
- 2 ს.კ. მარილი
მომზადების წესი
1. თავდაპირველად მოამზადეთ კომბოსტოს ფურცლები: მოათავსეთ თეთრი კომბოსტო მიკროტალღურ ღუმელში 10 წუთით დაბალ სიმძლავრეზე, რომ მათი დაცალკევება გაგიმარტივდეთ. შემდეგ დააცალკევეთ ფურცლები და მოაჭერით ძალიან უხეში და დიდი “ძარღვები”.
2. მოამზადეთ შიგთავსი: დაჭერით ხახვი პატარა კუბებად ან ნახევარ რგოლებად, სტაფილო გახეხეთ საშუალო ზომის სახეხზე, ბულგარული პილპილი – ზოლებად, ცხარე წიწაკა კი – რგოლებად.
3. ხახვი მცენარეულ ზეთში შეწვით, სანამ გამჭვირვალე არ გახდება, შემდეგ დაუმატეთ დანაყული ნიორი, დაჭრილი ბულგარული პილპილი, სტაფილო და წიწაკა ჩილი. გააჩერეთ ცეცხლზე, სანამ ბოლომდე მომზადდება, მოურიეთ და გადმოდგით ცეცხლიდან.
4. ბოსტნეულის ფარში გაახვიეთ კომბოსტოს ფურცლებში და მზა ტოლმები მჭიდროდ ჩაალაგეთ სტერილურ ქილებში, ოხრახუშთან მონაცვლეობით, ცენტრში კი მოათავსეთ ცოცხალი ჭარხლის ნაჭრები.
5. მოამზადეთ მარინადი. ერთ ლიტრ წყალს დაუმატეთ ბაჰარი, მარილი, შაქარი, დაფნის ფოთოლი და მოადუღეთ. შემდეგ გამორთეთ ცეცხლი, დაუმატეთ ძმარი და მოურიეთ.
6. ტოლმას ზემოდან დაასხით მარინადი და დაასტერილეთ დაახლოებით 25 წუთის განმავლობაში. შემდეგ მოხუფეთ, შეფუთეთ ქსოვილში და გააჩერეთ, სანამ ბოლომდე გაცივდება. შეინახეთ ქილები ბნელ, გრილ ადგილას.
ჭარხლის რბილობი ტოლმას თავის ფერს და სპეციფიკურ გემოს შესძენს, ხოლო კომბოსტოთი შეგიძლიათ მოამზადოთ არა მხოლოდ სტაფილოს, არამედ ჩვეულებრივი ბრინჯისა და ხორცის ტოლმა. გემრიელად მიირთვით!
