მათთვის, ვისაც აღმოსავლური დესერტები უყვარს, თაფლიანი ფახლავა წარმოუდგენლად გემრიელი ტკბილეულია. ერთ ნაჭერზე გაჩერება უბრალოდ შეუძლებელია. მისი სასიამოვნო სიტკბო და ნაზი ტექსტურა ნებისმიერს ჭკუიდან შლის!
ამ საოცარი დესერტის გასასინჯად ზღვის სეზონს არ დაელოდოთ. ფახლავა ნიგვზით სახლში მოამზადეთ. ბიუჯეტური ინგრედიენტები დაგჭირდებათ, ხოლო შედეგად არომატულ ტკბილეულს მიიღებთ!
თაფლიანი ფახლავა: როგორ მოვამზადოთ
ამ დესერტში კაკლის შიგთავსი წარმოუდგენლად გემრიელია. მისი მომზადება მარტივია. კაკალი დააქუცმაცეთ, შაქარი და კვერცხის ცილა აურიეთ. 5 წუთი და შიგთავსი დესერტს შეგიძლიათ დაუმატოთ.
ინგრედიენტები:
- 130 გ არაჟანი
- 450 გ ხორბლის ფქვილი
- 200 გ კარაქი
- მწიკვი სოდა
- მწიკვი მარილი
- 300 გ ნიგოზი
- 3 კვერცხი
- 400 გ შაქარი
- 100 მლ წყალი
- 50 გ თაფლი
მომზადების წესი:
1. კვერცხის გულები და ცილები დააცალკევეთ. კარაქი გაადნეთ.
2. 2 კვერცხის გული, 150 გ შაქარი და 15%–იანი არაჟანი ღრმა თასში აურიეთ. 150 გ კარაქი და მარილი დაუმატეთ. სათქვეფით კარგად აურიეთ.
3. ხორბლის ფქვილი და სოდა დაუმატეთ. რბილი, ელასტიური ცომი მოზილეთ.
4. პარკში გადაიტანეთ და 1 საათით მაცივარში შეინახეთ.
5. შიგთავსი მოამზადეთ. ნიგოზი ნაფშვენის მიღებამდე დააქუცმაცეთ. 2 კვერცხი და 150 გ შაქარი ფაფუკი ქაფის მიღებამდე ათქვიფეთ. მიღებული ნარევი კაკალს დაასხით და კარგად აურიეთ.
6. ცომი ოთხ ნაწილად გაყავით. თითოეული დაამრგვალეთ.
7. ცომის ნაჭრები თხელ ფირფიტებად გააბრტყელეთ. პერგამენტ დაფარებულ საცხობ ფორმაზე გადაიტანეთ.
8. ცომს გამდნარი კარაქი წაუსვით. ზემოდან კაკლის შიგთავსი მოაყარეთ. ნიჩბით თანაბრად გაანაწილეთ. ცომის და კაკლის ფენები მორიგეობით დააწყვეთ.
9. ბოლო ფირფიტა დაადეთ და კუთხეები დააფიქსირეთ. ზემოდან ათქვეფილი კვერცხის გული წაუსვით.
10. დანით რომბებად დაჭერით. თითოეულს ზემოდან ნიგოზი დაადეთ. 180 გრადუსამდე გახურებულ ღუმელში 30 წუთით აცხვეთ.
11. სიროფი მოამზადეთ. ღრმა ტაფაში წყალი, თაფლი და 100 გ შაქარი მოათავსეთ. აურიეთ და მაღალ ცეცხლზე დადგით. 7-8 წუთით ხარშეთ.
12. ფახლავა ღუმელიდან გამოიღეთ და შაქრის სიროფი მოასხით. კიდევ 10-15 წუთით ღუმელში დააბრუნეთ.
რეცეპტი ჩაინიშნეთ! ნახავთ, რომ თაფლიანი ფახლავა იდეალური დესერტია. მზად იყავით, რომ ოჯახის წევრები დამატებას მოგთხოვენ. ეს ნაზი დესერტი ისევ და ისევ გვინდა.
