ვორჩესტერშინის, იგივე ვუსტერიის სოუსი – პიკანტური ინგლისური საწებელია. აქვს მომჟავო – მოტკბო გემო. მზადდება ძმრის, შაქრისა და თევზისგან. მისი სახელწოდება ვურჩესტერშირის საგრაფოდან მომდინარეობს.
ინგრედიენტები:
- 3 კბილი ნიორი
- 60 მლ ცივი დაწურვის ზეითუნის ზეთი
- 3 ს.კ. ვაშლის ძმარი
- 1 ს.კ. ხმელი ტკბილი წიწაკა
- 1 ს.კ. ვირჩერსტერშირის სოუსი
- 2 ჩ.კ. ხმელი ნიახური ზღვის მარილით
- 4 ს.კ. ტკბილი წიწაკის საწებელი
- 3 ს.კ. თაფლი
- 1 ჩ.კ. შავი პილპილი
- 1,5 კგ ქათმის ფრთა
მომზადების წესი:
- წვრილად დაჭრილი ნიორი, ზეთი, ძმარი, დაფქული წიწაკა, ნიახური, თაფლი, ვორჩესტერშირის საწებელი და წიწაკის საწებელი კარგად აურიეთ, ჩააწყვეთ ქათმის ფრთები, დააფარეთ და 2 სთ-ით ან მთელი ღამით მაცივარში მოათავსეთ.
- ღუმელი წინასწარ გაახურეთ 180 გრადუსზე.
- თუნუქის ფურცელზე პერგამენტის ქაღალდი დააფინეთ, ზედ ფრთები დააწყვეთ. აცხვეთ 30 წთ.
- დაუმატეთ მარინადი, ტემპერატურა გაზარდეთ 200 გრადუსამდე და კერძი ღუმელში კიდევ 30 წთ დატოვეთ. მარინადი აორთქლდება, წიწილის ფრთები კი მოტკბო, წებოვანი ჭიქურით დაიფარება. სუფრაზე თბილი მიიტანეთ.
