არაფერი ზედმეტი: ტაფაზე შემწვარი ღორის ხორცი გლეხურად

454

თუ გემრიელ, ნოყიერ და მარტივ სავახშმო კერძს ეძებთ, შემწვარი ხორცი გლეხურად იდეალურია! ხორცს და ბოსტნეულს შეიცავს, ამიტომ „ვახშამს ორი ერთში“ შეგიძლიათ უწოდოთ. გამოდის, რომ ცხელი კერძი და გარნირი უკვე გვაქვს! კერძს მარტივი ახალი საზაფხულო სალათი ან ზამთრის კონსერვი შეგიძლიათ დაუმატოთ.

რა თქმა უნდა, ღორის ხორცის ნაცვლად სხვა ხორცი შეგიძლიათ გამოიყენოთ. კერძის საფუძველი შეიძლება იყოს ძროხის, ცხვრის, ხბოს ან ქათმის ხორცი. ყველაფერი თქვენს გემოვნებაზეა დამოკიდებული.

როგორ მოვამზადოთ ნოყიერი შემწვარი ღორის ხორცი გლეხურად

ნებისმიერი სანელებელი შეგიძლიათ გამოიყენოთ. თუ ახალ მწვანილზე მეტად ხმელი გიყვართ, დაუმატეთ. გახსოვდეთ: ახალი მწვანილი მხოლოდ მზა კერძს უნდა მოაყაროთ.

ინგრედიენტები:

  • 1 კგ ღორის ხორცი
  • 1 სტაფილო
  • 2 ს/კ პომიდვრის პასტა
  • 0,5 ჩ/კ წიწაკის ნარევი
  • მწვანე ხახვი გემოვნებით
  • 1 ჭიქა წყალი
  • 2 ხახვი
  • 2 კბილი ნიორი
  • მარილი გემოვნებით
  • 1 ჩ/კ მწვანილი
  • მზესუმზირის ზეთი გემოვნებით

მომზადების წესი:

1. ღორის ხორცი მსხვილ ნაჭრებად დაჭერით და ტაფაზე ცხელ მზესუმზირის ზეთში მოათავსეთ. ხორცი შეწვით, პერიოდულად აურიეთ.

2. ხახვი კუბებად დაჭერით და ტაფაზე ხორცს დაუმატეთ. ინგრედიენტებს აურიეთ.

3. სტაფილო პატარა კუბებად დაჭერით და ღორის ხორცს და ხახვს დაუმატეთ. კვლავ აურიეთ.

4. კარტოფილი მსხვილად დაჭერით და ტაფაზე მოათავსეთ. ინგრედიენტებს წყალი დაასხით, თავსახური დაახურეთ და ადუღება აცადეთ.

5. მარილი, წიწაკა მოაყარეთ, ხმელი მწვანილი, დაპრესილი ნიორი და პომიდვრის პასტა დაუმატეთ. აურიეთ, თავსახური დაახურეთ და სუსტ ცეცხლზე 30-35 წუთით მომზადებამდე მოშუშეთ.

ამ რეცეპტით ბევრი ჭურჭლის გამოყენება არ დაგჭირდებათ. მხოლოდ ერთი ტაფა საკმარისია. ღრმა ტაფა გამოიყენეთ, რომ ინგრედიენტები მოთავსდეს! მზა კერძი სუფრაზე პირდაპირ ტაფით შეგიძლიათ გაიტანოთ. ძალიან ეფექტურად გამოიყურება!