რა საჭიროა ჩიფსებზე ფულის დახარჯვა, რომლის შემადგენლობაშიც მხოლოდ ქიმიაა, თუ ხრაშუნა კარტოფილის წასახემსებელი სახლში შეგიძლიათ შეწვათ? მის მოსამზადებლად გუშინდელი პიურეც გამოგადგებათ. მთავარია, პროპორციები დაიცვათ. ასე ძალიან გემრიელ კარტოფილის ხვეულებს მიიღებთ.
ხვეულების შიგთავსად ნებისმიერი ყველი შეგიძლიათ გამოიყენოთ. მაგალითად, მოცარელა, სულგუნი და მდნარი. ყველების ნარევიც გამოგადგებათ. ექსპერიმენტების არ შეგეშინდეთ, რადგან ასე კერძისთვის იდეალურ შიგთავსს იპოვით.
როგორ მოვამზადოთ კარტოფილის ხვეულები ფრიტიურში
საღამოს გემრიელი წასახემსებელი რომ მიირთვათ, ღუმელის ჩართვა არ მოგიწევთ. კარტოფილის ხვეულები ფრიტიურში მზადდება. რამდენიმე წუთში მოწითალო და მადისაღმძვრელი გახდება.
ინგრედიენტები:
- 200 გ კარტოფილი
- 100 გ ხმელი ყველი
- მარილი გემოვნებით
- 100 გ ხორბლის ფქვილი
- 200 გ მზესუმზირის ზეთი
მომზადების წესი:
1. კარტოფილი მარილიან წყალში მოხარშეთ. შემდეგ პიურეს მისაღებად დაჭყლიტეთ და გაგრილება აცადეთ.
2. ხმელი ყველი წვრილად გახეხეთ. ყველის ნახევარი პიურეს დაუმატეთ. ხორბლის ფქვილი დაუმატეთ და ერთგვაროვანი ცომი მოზილეთ.
3. სამუშაო ზედაპირს ცოტა ფქვილი მოაყარეთ. ცომი გადაიტანეთ. 1,5 სმ სისქის მრგვალ ფირფიტად გააბრტყელეთ.
4. ცომი სამკუთხედებად დაჭერით. ფართო კიდეზე ხმელი ყველი დაუმატეთ. ცომი შიგთავსით დაახვიეთ და ხვეულა გააკეთეთ.
5. სქელძირიან ქვაბში მზესუმზირის ზეთი ჩაასხით და კარგად გააცხელეთ.
6. ცხელ ზეთში ხვეულები მოათავსეთ. საშუალო ცეცხლზე ოქროსფერ შეფერილობამდე შეწვით.
ხვეულები ქაღალდზე გადაიტანეთ, რომ ზედმეტი ცხიმი მოშორდეს. სოუსი მოამზადეთ, რომელშიც კარტოფილის წასახემსებელს ამოავლებთ. ამისთვის ნივრის რამდენიმე კბილი გაასუფთავეთ და დაჭყლიტეთ. კამა გარეცხეთ და დაჭერით. ნიორი, მწვანილი და არაჟანი აურიეთ. მარილი გემოვნებით მოაყარეთ და კარგად აურიეთ. ოქროსფერი ხვეულები არაჟნის სოუსით მზადაა. გემრიელად მიირთვით!
