ყვავილოვანი კომბოსტო ბოსტნეულით თქვენს ოჯახს და სტუმრებს ნამდვილად მოეწონება. ზოგიერთ სტუმარს ყვავილოვანი კომბოსტო შეიძლება არ უყვარდეს, მაგრამ ამის გამო კერძის მომზადებაზე უარი არ თქვათ. ყვავილოვანი კომბოსტოს რულეტი კომპლიმენტებს დაიმსახურებს.
რულეტის შიგთავსი შეგიძლიათ შეცვალოთ. მაგალითად, უფრო ნოყიერი კერძის მისაღებად ქათმის ფილე ან ლორი დაუმატეთ. ყველი ან მწვანილიც იდეალურად უხდება. ქათმის, სოკოს და ყველის ნარევი შიგთავსად იდეალურია. ამისთვის ქათმის ხორცი და სოკო შეწვით, ყველი დაუმატეთ და კომბოსტოს რულეტში გაახვიეთ. სასარგებლო და გემრიელი გამოვა.
რულეტის ინგრედიენტები:
- 400 გ ყვავილოვანი კომბოსტო
- 4 კვერცხი
- 3 ს/კ ფქვილი
- 1 ჩ/კ კურკუმა
- მარილი გემოვნებით
- 1 კონა კამა
შიგთავსის ინგრედიენტები:
- 300 გ გაყინული ბოსტნეული
- 200 გ ხაჭოს ყველი
- 2 კბილი ნიორი
- პროვანსული სუნელები
- მარილი
- წიწაკა
მომზადების წესი:
1. ინგრედიენტები მოამზადეთ. კომბოსტოს რულეტის მომზადებას დიდი დრო არ სჭირდება. ყვავილოვანი კომბოსტო ყვავილედებად დაანაწევრეთ და მოხარშეთ. წყალს მარილი და კურკუმა დაუმატეთ.
2. 10 წუთით ხარშეთ. კვერცხი მოამზადეთ. კვერცხის გული ათქვიფეთ და წვრილად დაჭრილი კამა დაუმატეთ. კვერცხის ცილა მყარი ქაფის მიღებამდე ათქვიფეთ.
3. მოხარშული ყვავილოვანი გააგრილეთ და პიურეს მიღებამდე დააბლენდერეთ. ათქვეფილი კვერცხის გული დაუმატეთ და კარგად აურიეთ. შემდეგ ათქვეფილი კვერცხის ცილა დაუმატეთ და კოვზით აურიეთ. ფქვილი ფრთხილად დაუმატეთ. საშუალო სიღრმის საცხობ ფორმას პერგამენტი დააფინეთ და კომბოსტოს ნარევი გადაიტანეთ. გაასწორეთ და 200 გრადუსზე 20 წუთით აცხვეთ.
4. შიგთავსის მომზადება დაიწყეთ. გაყინული ბოსტნეული ცოტა ზეთში შეწვით. სანელებლები და შემდეგ ხაჭოს ყველი დაუმატეთ. უმჯობესია, რომ ყველის დამატებამდე ბოსტნეული ოდნავ შეგრილდეს.
5. მზა ფენა ღუმელიდან გამოიღეთ. მაშინვე შიგთავსი დაუმატეთ. რულეტი სწრაფად დაახვიეთ. ქაღალდი დაიხმარეთ. მზა რულეტს ქაღალდი მოაშორეთ და კერძი გააფორმეთ.
ყვავილოვანი კომბოსტო ბოსტნეულით მარტივი მოქმედებით უნაზესი რულეტი გახდება. მაიონეზის ბადით, დაჭრილი კამით, შავქლიავით ან ზეთისხილის რგოლებით გააფორმეთ. ხორციანი რულეტის შემთხვევაში ზემოდან ბეკონის ნაჭრებით გააფორმეთ. გემრიელად მიირთვით!
