იმერეთი ნამდვილად გამოირჩევა თავისი მრავალფეროვანი სამზარეულოთი. დღეს, სწორედ ამიტომ შევაჩერეთ არჩევანი ამ შესანიშნავ კერძზე. ქათამი ტყემლის წვენში – ეს არის კერძი, რომლის დაგემოვნებაც ნამდვილად ღირს! მაშ ასე, შევუდგეთ მის მომზადებას…
ინგრედიენტები:
- ქათამი – 1 ცალი
- ქინძი – 30 გ
- ნიორი – 2-3 კბილი
- ომბალო და კამა – 20-20 გ
- წიწაკა და მარილი გემოვნებით
მომზადების წესი:
- გარეცხილი, გასუფთავებული საშუალო ზომის ქათამი დავჭრათ ასო-ასო, მოვათავსოთ ქვაბში, დავასხათ იმდენი წყალი, რომ დაიფაროს და დავდგათ ცეცხლზე მოსახარშად.
- ცალკე ქვაბში ჩავყაროთ ერთი ჭიქა გასუფთავებული ტყემალი.
- დავამატოთ ნახევარი ჭიქა წყალი და მოვხარშოთ.
- მოხარშული ტყემალი გავხეხოთ საწურში, დავამატოთ ერთად დანაყილი ნიორი, ქინძი, წიწაკა და მარილი და ძალიან წვრილად დაჭრილი ომბალო და კამა.
- მიღებული მასა დავასხათ მოხარშულ ქათამს.
- ერთი-ორი წუთი წამოვადუღოთ და გადმოვდგათ ცეცხლიდან.
