IKEA–ს საფირმო ხორციანი ფრიკადელების ერთხელ გასინჯვა საკმარისია, რომ მისი გემო ვერ დაივიწყოთ. რა არის მზარეულის საიდუმლო? როგორ ახერხებს ასეთი სრულყოფილი კერძის შექმნას და შესაძლებელია მისი გამეორება სახლის პირობებში? დღეს სწორედ ამ კითხვებზე გიპასუხებთ.
„გასტრონომია“ ოჯახის წევრებისთვის განსაკუთრებული კერძის მომზადებას გთავაზობთ.
IKEA–ს ღვთაებრივი ფრიკადელების დეტალური რეცეპტი უკვე მოვამზადეთ. ისღა დაგრჩენიათ აუცილებელი ინგრედიენტები მოიმარაგოთ და საქმეს შეუდგეთ!
ხორციანი ფრიკადელები
ინგრედიენტები:
- 1 კვერცხი
- 0,5 კგ ძროხის ფარში
- 250 გრ ღორის ფარში
- 1 ხახვი
- 5 ს/კ მთელი რძე
- 1 კბილი ნიორი
- 100 გრ გახუხული ორცხობილა
- მარილი გემოვნებით
- დაფქული შავი წიწაკა გემოვნებით
- ¼ ჩ/კ ზეითუნის ზეთი
- 150 მლ ბოსტნეულის ბულიონი
- 40 გრ კარაქი
- 150 მლ ძროხის ბულიონი
- 40 გრ ფქვილი
- 150 მლ ცხიმიანი ნაღები
- 2 ჩ/კ სოიოს სოუსი
- 1 ჩ/კ დიჯონის მდოგვი
მომზადება:
1. აღსანიშნავია, რომ ფრიკადელების მომზადების ტექნოლოგია ძალიან მარტივია. პირველ რიგში, ძროხის და ღორის ფარში დიდ, ღრმა თასში აურიეთ.
შემდეგ ხახვი გაწმინდეთ, დააქუცმაცეთ და ფარშს დაუმატეთ.
ამავე თასში კვერცხი, რძე და გახუხული ორცხობილა დაუმატეთ. შემდეგ ყველაფერი კარგად დაამარილეთ, წიწაკა მოაყარეთ და აურიეთ.
2. მიღებული მასიდან აუცილებელი პატარა ბურთები (სასურველია ერთი ზომის) გააკეთოთ.
ამის შემდეგ მზა ბურთები ბრტყელ თეფშზე მოათავსეთ, საკვები პარკი დააფარეთ და მაცივარში 120 წუთით გააჩერეთ. ამ ხრიკის დახმარებით ფრიკადელები თერმული დამუშავების დროს ფორმას შეინარჩუნებენ.
3. ვადის გასვლის შემდეგ ტაფა საშუალო ცეცხლზე დადეთ და მასში ცოტა მცენარეული ზეთი გაახურეთ. შემდეგ ფრიკადელები ტაფაზე გადაიტანეთ და ყველა მხრიდან კარგად შეწვით.
წინასწარი შეწვის შემდეგ ფრიკადელები ტაფაზე მოათავსეთ და საცხობი ფოლგა დააფარეთ. შემდეგ 180 გრადუსამდე გახურებულ ღუმელში 30 წუთით აცხვეთ.
4. სანამ ფრიკადელები ცხვება ნაღების სოუსის მომზადებას შეუდექით.
ამისთვის კარაქი მაღალგვერდებიან ქვაბში გაადნეთ. შემდეგ ზეთს ფქვილი დაუმატეთ და რამდენიმე წუთით აურიეთ.
შემდეგ ტაფაზე ორივე სახის ბულიონი ჩაასხით და ინგრედიენტების მორევა გააგრძელეთ. ბულიონს ნაღები, ასევე სოიოს სოუსი და მდოგვი დაუმატეთ. ნარევი ადუღებამდე მიიყვანეთ, სოუსის გასქელებას დაელოდეთ და მასში ფრიკადელები მოათავსეთ.
მზა ფრიკადელები ნაღების სოუსსთან გააერთიანეთ და კარტოფილის პიურესთან ერთად სუფრაზე გაიტანეთ.
გემრიელად მიირთვით! თუ რეცეპტი მოგეწონათ, მეგობრებს სოციალურ ქსელში აუცილებლად გაუზიარეთ.
