საკვები პროდუქტების არასწორი შენახვა შეიძლება ამა თუ იმ დაავადების მიზეზი გახდეს

2235

ოჯახის პირობებში კვების პროდუქტების სწორად შენახვისთვის დაცული უნდა იქნას წესები, რომელიც თავიდან აგვარიდებს გარკვეული ტიპის დაავადებებს.

პროდუქტების დამუშავებისა და შენახვის წესები:

  • მალფუჭებადი პროდუქტები (ხორცი, თევზი, ხაჭო, ბოსტნეულის ნახევარფაბრიკატები, მოხარშული ძეხვეულის ნაწარმი, რძის პროდუქტები, კრემიანი საკონდიტრო და კულინარიული ნაწარმი) შენახულ უნდა იყოს მაცივარში, არაუმეტეს 6 გრადუს ტემპერატურაზე, მათი ვარგისიანობის ვადების საზღვრებში.
  • დაუშვებელია უმი პროდუქტების, ნახევარფაბრიკატების და მზა ნაწარმის ერთად შენახვა. სხვადასხვა პროდუქტებისთვის უნდა გამოიყოს ცალკეული სექტორები.
  • ხილ-ბოსტნეული აუცილებლად შეინახეთ სპეციალურ მშრალ, კარგად ვენტილირებულ შენობაში ბუნებრივი  განათების გარეშე (სარდაფებსა და ნახევრად სარდაფებში).

გთავაზობთ ცხრილს, რომელშიც მოყვანილია ზოგიერთი მალფუჭებადი საკვები პროდუქტების ვარგისიანობის ვადები საათებში: 

  • ხორცეულის ნახევარფაბრიკატები – 36 საათი;
  • ხორცის ფარშები: გამოშვებული ხორცგადამამუშავებლ საწარმოში – 24 საათი.
  • გამომუშავებული სავაჭრო საწარმოებისა და საზოგადოებრივ კვების ობიექტების მიერ – 12 სთ.
  • ხორცის სუბპროდუქტები (ღვიძლი, თირკმელები, ენა, გული, ტვინი) – 24 სთ.
  • მოხარშული კვერცხი – 36 სთ.
  • ძეხვი მოხარშული უმაღლესი და პირველი ხარისხის – 72 სთ.
  • მეორე ხარისხის  – 48 სთ.
  • ძეხვი მოხარშული უმაღლესი ხარისხის, დელიკატესი, კონსერვატების დამატებით – 240 სთ.
  • პირველი ხარისხის – 192 სთ. მეორე ხარისხის – 168 სთ.
  • სოსისი, სარდელი მოხარშული, პური ხორცით – 72 სთ.
  • სოსისი, სარდელი მოხარშული ორთქლგაზშეუვალ გარსებში – 168 სთ.
  • ძეხვი, სოსისი, სარდელი მოხარშული, დაჭრილი და შეფუთული ვაკუუმის ქვეშ მოდიფიცირებული ატმოსფეროს პირობებში – 120 სთ.
  • თევზი ყველა დასახელების გაციებული (0-2 გრადუს ტემპერატურაზე) – 48 სთ.
  • თევზის ფილე (სუკი) (0-2 გრადუს ტემპერატურაზე) – 24 სთ.
  • რძე, ნაღები, რძის შრატი, დო პასტერიზებული – 36 სთ.
  • თხევადი რძემჟავა პროდუქტები, არაჟანი და პროდუქტების საფუძველზე – 72 სთ.
  • ხაჭო და ხაჭოს ნაწარმი – 120 სთ.

ტორტი და ღვეზელი: 

  • კრემის გარეშე, სუფლეს ტიპის გაფორმებით, კარაქის ხილ-კენკროვანი  – 72 სთ.
  • ღვეზელი, “კარტოფილის” – 36 სთ.
  • ნადუღი, კრემი, ათქვეფილი კარაქით და კრემით, ხაჭო კარაქის სატენით – 18 სთ.
  • ხილის წვენები და ბოსტნეულის ახალგამოწურული წვენი – 48 სთ.
  • გარდა ამისა მაღაზიაში პროდუქტის ყიდვისას აუცილებლად წაიკითხეთ მათზე მითითებული ვარგისიანობის ვადები და შენახვის პირობები – ეს განსაკუთრებით შეეხება რძისა და რძემჟავა პროდუქტებს.
  • როგორც საოჯახო პირობებში, საწარმოო სფეროში ხარისხიანი საკვების დამზადება დაკავშირებულია სანიტრულ – ჰიგიენური პირობების სრულყოფილ დაცვასთან. ამასთან საკვების კულინარიული დამუშავებისას აუცილებლად უნდა გამოირიცხოს მისი დაბინძურება პარაზიტებით.
  • როგორც ეს სპეციალისტებისთვის ცნობილია, საკვები პროდუქტებისა და კერძების გადამუშავებისა და მომზადების პროცესისადმი წაყენებულია საკმაოდ მკაცრი სანიტარულ-ეპიდემიოლოგიური მოთხოვნები, რომელთა განუხრელად დაცვა აუცილებელია საკვების კულინარიული დამუშავებისას. აი, ზოგიერთი მათგანი:
  • სამზარეულოში იმუშავეთ მხოლოდ სუფთა ხელებით, შესანახად გამზადებულ პროდუქტებს არ შეეხოთ თუნდაც სუფთა ხელებით, ამისათვის გამოიყენეთ მაგიდის ხელსაწყოები.
  • არასოდეს არ გამოიყენოთ საკვებში კონსერვები გაბერილი ქილებით.
  • მკაცრად დაიცავით სისუფთავე შენობაში, სამუშაო ადგილას, პროდუქტების დასამუშავებული ჭურჭლებისა და ინვენტარის გამოყენებისას.
  • გულმოდგინედ დაათვალიერეთ ბოსტნეული და არ დაუშვათ ისეთი პროდუქტის დამზადება, რომლებიც დაზიანებულია.
  • ბოსტნეული ცივი წყლით გარეცხეთ სხვა საკვებ პროდუქტებთან კონტაქტის გარეშე.
  • უმი და მოხარშული ხორცეულის, თევზის, ბოსტნეულის პროდუქტების დამუშავება აწარმოეთ, ყოველთვის სხვადასხვა დაფებზე.
  • არ დაუშვათ საყინულედან ამოღებული ხორცისა და თევზის ხანგრძლივად შენახვა. ასეთ პროდუქტებს დაუყოვნებლივ გაუკეთეთ სითბური დამუშავება.
  • განსაკუთრებით გულმოდგინედ დაამუშავეთ ხორცეული სუბპროდუქტები (ღვიძლი, გული, ფილტვები, თირკმელები), რადენადაც ისინი შეიძლება მიკრობების გაზრდილ წყაროს წარმოადგენენ, ხოლო ხანგრძლივი შენახვისას, მათ ორგანიზმი ცუდად ითვისებს.
  • თუ სითბური დამუშავების შემდეგ თქვენ მთლიანად მაშინვე არ გამოიყენეთ ხორცი და თევზი, ისინი იქონიეთ არაუმეტეს + 6 გრადუს ტემპერატურაზე.
  • თევზის ცივი (პირველადი) დამუშავებისას, მაგიდა, ჭურჭელი, ხელსაწყოები და ხელები დაგესვრებათ ქერცლით, შიგნეულობით, რომლებშიც ყველაზე მეტია მიკრობები, ამიტომ სანამ დაჭრიდეთ თევზს პორციებად, აუცილებლად გადაწმინდეთ მაგიდა, დაიბანეთ ხელები და გამოიყენეთ სუფთა დანები.

შეეცადეთ ეს რჩევები უმეტეს წილად გამოიყენოთ. ისევ და ისევ თქვენი ჯანმრთელობისთვის.