რეცეპტი ინტერნეტში შემთხვევით ვიპოვე. დავინტერესდი და ჩავინიშნე. რეცეპტის მიხედვით საჭირო არაა ცომის ამოსვლას დაელოდოთ ან შიგთავსზე იწვალოთ. ზარმაც ფუნთუშებს ბრინზით იმიტომ უწოდებენ ზარმაცს, რომ ყველაფერი შეგიძლიათ აურიოთ და სწრაფად გამოაცხოთ. თუ სწრაფი წასახემსებელი გჭირდებათ, იდეალური ვარიანტია. კერძს სასიამოვნო არომატი აქვს. ფუნთუშებს მთელი კვირა ბავშვებს სკოლაში ვატანდი და ბოლომდე ნაზი და რბილი რჩებოდა. მთელი ოჯახი აღფრთოვანებული ვართ.
რა შეგიძლიათ დაუმატოთ ზარმაც ყველიან ფუნთუშებს
გარწმუნებთ, რომ ფუნთუშები ორიგინალური რეცეპტით გამონაკლისის გარეშე ყველას მოეწონება. სურვილის შემთხვევაში სეზამით, როზმარინით ან ნებისმიერი მწვანილით გააფორმეთ. თუ სახლში ბრინზა არ გაქვთ, ხაჭოს ნაჭრები გამოიყენეთ. დაჭრილი ძეხვის ან ლორის დამატებით უფრო ნოყიერ ვარიანტს მოამზადებთ.
ინგრედიენტები:
- 400 გ ხორბლის ფქვილი
- 125 გ ბრინზა
- 1 ჩ/კ სოდა
- 40 გ კარაქი
- 1 ჭიქა კეფირი
- 125 გ ხმელი ყველი
- 100 მლ მზესუმზირის ზეთი
მომზადების წესი:
1. ბრინზა ჩანგლით დაჭყლიტეთ, ხმელი ყველი გახეხეთ.
2. კეფირი და სოდა ბუშტების გაჩენამდე აურიეთ. ხმელი ყველი, მცენარეული ზეთი და ბრინზა დაუმატეთ.
3. ფქვილი გაცერით და ნარევს დაუმატეთ. სპატულით მუდმივად აურიეთ. წებოვანი, მაგრამ დამყოლი ცომი უნდა გამოვიდეს.
4. საცხობ ფორმას პერგამენტი დააფინეთ ან კარაქი წაუსვით. ზემოდან ფქვილი მოაყარეთ.
5. კარაქი დაჭერით და თითოეულ ფუნთუშაში ცენტრში ჩადეთ.
6. კვერცხის ზომის ბურთები გააკეთეთ. მომავალი ფუნთუშები საცხობ ფორმაზე გადაიტანეთ. ერთმანეთს დააშორეთ. კვერცხის გული შეგიძლიათ წაუსვათ და გემოვნებით გააფორმოთ.
7. ფუნთუშები სველი ხელით მარტივად კეთდება. ამისთვის ხელები თბილ წყალში დაისველეთ, სანამ ცომის გამოძერწვას დაიწყებთ. ასე ცომი დამჯერი გახდება და ხელზე არ მიგეკვრებათ.
8. 190 გრადუსამდე გახურებულ ღუმელში ოქროსფერ შეფერილობამდე შეწვით.
მზა ფუნთუშები ბრინზით რამდენიმე წუთით გააგრილეთ. სუფრაზე თბილი, მაგრამ არა ცხელი გაიტანეთ.
