„ქმარი საზღვარგარეთ სამუშაოდ წავიდა. დახვეწილი კერძები არავისთვის მაქვს მოსამზადებელი. მე რა მჭირდება? ჭიქა რძე, ბანანი და ნახევარი დღე ნოყიერი ვარ. ახლახანს კარგი გამოსავალი ვიპოვე – ლავაშის პიცა ღუმელში გამომცხვარი. ამ ყველაფერს 15 წუთი სჭირდება!“ – გამიზიარა კოლეგამ თავისი გამოცდილება.
„ღუმელი კარგად გახურებული უნდა იყოს. ინგრედიენტები ნებისმიერი – რასაც მაცივარში იპოვით, ის გამოგადგებათ!“ – დაამატა მან. ჩავინიშნე. ქმარი წასული არაა, მაგრამ ბევრი საქმე და ორი შვილი მყავს, ასე რომ სწრაფი რეცეპტი ჩემს ნაკრებს შევმატე. დღეს აუცილებლად ვცდი!
Gastronomia.ge-ს რედაქცია გიამბობთ, როგორ მოამზადოთ სწრაფად და მარტივად პიცა ლავაშით ან მზა ცომით.
ლავაშის პიცა ღუმელში გამომცხვარი
ლავაში აიღეთ, შიგთავსი სურვილისამებრ და საიდუმლო ინგრედიენტი დაუმატეთ. გახურებულ ღუმელში შედეთ. მომზადებამდე აცხვეთ. ამას 15 წუთი დასჭირდება.
ინგრედიენტები:
- 2 სომხური ლავაში ან მზა ცომი
- 1 კვერცხი
- 1 ს/კ კეტჩუპი
- 1 ს/კ არაჟანი
- 1 ჩ/კ სოუსი „საწებელი“
- 0,5 ს/კ კეტჩუპი
- 200-250 გრ სოსისი ან ძეხვი
- 1 პომიდორი
- 150 გრ სოკო (სურვილისამებრ)
- 6-7 ზეთისხილი უკურკოდ
- 100-150 გრ ხმელი ყველი
- 70 გრ რუკოლა (სურვილისამებრ)
- 1 ჩ/კ ხმელთაშუა ზღვის ბალახი
მომზადების წესი:
1. 1 სომხური მართკუთხა ლავაში პერგამენტ დაფარებულ საცხობ ფორმაზე გადაიტანეთ.
2. “დღესასწაულების შემდეგ მაიონეზს არ ვჭამთ, ამიტომ სოუსისთვის ცოტა კვერცხს, არაჟანს და კეტჩუპს ვურევთ. სხვათა შორის, არაჟნის ნაცვლად თეთრი იოგურტი გამოგადგებათ. კარგად აურიეთ!“ – გირჩევთ კოლეგა.
3. სოუსი ლავაშს წაუსვით. შემდეგ მეორე ფენა აიღეთ და ასევე სოუსი წაუსვით. ორი ფენა იმისთვის კეთდება, რომ შიგთავსისგან ძირი არ დარბილდეს. ყურადღება მიაქციეთ, რომ ლავაშის ფენას სოუსი უნდა წაუსვათ და არა გაჟღინთოთ.
სიტყვაზე, ორი ფენა ლავაშის ნაცვლად შეგიძლიათ მზა ცომი გამოიყენოთ. მართალია, ეს უკვე სხვა ისტორიაა. აქაც იგივეა. სოუსი წაუსვით, როგორიც ზემოთ გირჩიეთ, ან აჯიკა გამოიყენეთ. ახლა შიგთავსზე გადადით.
4. პირდაპირ გეტყვით: ნებისმიერი შიგთავსი შეგიძლიათ გამოიყენოთ. ჩემი საყვარელი კომბინაცია: ძეხვი და მოხარშული ქათმის ფილე, სოკო (ოდნავ შემწვარი ან დამარინადებული), პომიდორი და ზეთისხილი. ხორცი ნაჭრებად დაჭერით, ძეხვი რგოლებად, პომიდორიც რგოლებად და ზეთისხილი ირიბად. ლავაშის ან მზა ცომის ბაზაზე გადაიტანეთ.
5. ახლა ყველაზე საინტერესო – პიცაზე ქაოტურად სოუს „საწებლით“ წვეთები გააკეთეთ. შემდეგ გახეხილი ყველი და ხმელთაშუა ზღვის ბალახები მოაყარეთ. ასეთი კომბინაციით ნამდვილი პიცის გემოს მიიღებთ!
6. 200 გრადუსამდე გახურებულ ღუმელში 15 წუთით აცხვეთ. მზა პიცას შეგიძლიათ ახალი რუკოლა მოაყაროთ. გემრიელად მიირთვით!
მთავარია, შიგთავსი ბევრი არ მოგივიდეთ. ლავაშის პიცა ღუმელში ძალიან სწრაფად ცხვება, თან გემრიელი, წვნიანი და ნაკლებად კალორიული გამოდის. დარწმუნებული ვარ, რომ კერძი მოეწონება ყველას, ბავშვებიც სიამოვნებით მიირთმევენ.
ყველას ვურჩევ, ვინც სწორ კვებას იცავს!
