ჟენუაზი არის კლასიკური ფრანგული ბისკვიტი. ის გამოიყენება ბევრი ნამცხვრის და დესერტის მოსამზადებლად. ამბობენ, რომ პირველად მე-19 საუკუნეში დაამზადეს პარიზელმა ცომეულის ოსტატებმა. რომლებმაც ასევე გამოიგონეს უგემრიელესი ნამცხვარი SAINT ONORE GATEAU. ეს ბისკვიტი შეიძლება ორ ან სამ ფენად გაიჭრას.
ინგრედიენტები:
- 100 გ ნამცხვრის ფქვილი
- 100 გ სიმინდის სახამებელი
- 6 დიდი კვერცხი
- 150 გ შაქარი
- 90 გ კარაქი
- ოდნავ გამდნარი და გაგრილებული
- 1 ჩაის კოვზი ვანილის ექსტრაქტი
ულუფა: 8-10
მომზადების დრო: 25 წუთი
ცხობა: 20-40 წუთი
დონე: 2
მომზადების წესი:
- გააცხელეთ ელექტროღუმელი 190 გრადუსზე (აირღუმელი დააყენეთ ნიშნულზე – 5).
- 23 სმ დიამეტრიან ორ, გვერდებმოსასხმელ საცხობ ყალიბს წაუსვით კარაქი. დააფინეთ პერგამენტის ქაღალდი.
- ფქვილი და სიმინდის სახამებელი საშუალო ზომის ჯამში გაცერით.
- დიდ, ცეცხლგამძლე ჯამში ათქვიფეთ კვერცხი და შაქარი. ჯამი შემოდგით ორთქლის აბაზანაზე – განიერ ქვაბზე, რომელშიც წყნარად დუღს წყალი (ჯამის ძირი წყალს არ უნდა ეხებოდეს). ურიეთ მუდმივად, სამამ შაქარი სრულიად არ გადნება. როცა ნაზავის ტემპერატურა სპეციალურ თერმომეტრზე მიაღწევს 45 გრადუს, გადმოდგით ცეცხლიდან.
- მიქსერით, მაღალი სიჩქარით ათქვიფეთ კვერცხი, რომ გასამმაგდეს და ძალიან გასქელდეს.
- სამზარეულოს ნიჩბით ნელ-ნელა შეურიეთ მშრალი ინგრედიენტები ცომს.
- 2 ფინჯანი ცომი მოათავსეთ პატარა ჯამში და გამდნარი კარაქი და ვანილი დაუმატეთ. ორივე ცომი კარგად შეაზილეთ ერთმანეთს.
- სწრაფად იმუშავეთ და კოვზით ჩადეთ საცხობ ყალიბებში. თუ ორ ყალიბს იყენებთ, აცხვეთ 20-30 წუთი, სანამ ბისკვიტი ოქრქოსფერ -ყავისფერს არ მიიღებს. ხის ჩხირი გულში ჩაურჭეთ, თუ მშრალს და სუფთას ამოიღებთ, ბისკვიტი მზადაა.
- გააგრილეთ ნამცხვარი ყალიბში 5 წუთი.
- მოხსენით ყალიბს გვერდები, ნამცხვარი ქაღალდიანად ამოიღეთ და შემდეგ მოაცალეთ. ამოაბრუნეთ და კარგად გააგრილეთ.
