თუ საახალწლოდ და სადღესასწაულოდ სალათის ოროგინილურად გაფორმების ფანტაზია გამოგელიათ, გასტრონომია მოგაშველებთ ეგზოტიკური ფორმის სალათის იდეას. ამ სალათას “ანანასი” ჰქვია, რადგან ვიზუალური მზაგვსება ზუსტია.
მის მოსამზადებლად დაგჭირდებათ
ინგრედიენტები:
- 2-3 თავი კარტოფილი
- 300-400 გრამი ქათმის ხორცი
- 150 გ ნიგვზის ლებანი
- 3 კვერცხი
- 100 გ ყველი
- 4-6 კიტრის მწნილი
- 1 თავი ხახვი
- მწვანე ხახვი
- მაიონეზი, მარილი, პილპილი
მომზადების წესი:
- კარტოფილი მოვხარშოთ კანიანად. გავაცივოთ, გავაცალოთ კანი და გავხეხოთ მსხვილ სახეხზე. კვერცხი მოვხარშოთ და დავჭრათ პატარა ნაჭრებად.
- ყველი გავხეხოთ. კიტრი დავჭრათ პატარა კუბიკებად, ხახვი პატარა ნაჭრებად.
- მომზადებული ინგრედიენტები ოვალურ თეფშზე დავაწყოთ ფენებად. ფენებს შორის მოვაყაროთ მარილი, პილპილი და წავუსვათ მაიონეზი გემოვნებით:
- 1-ი ფენა კარტოფილი
- მე-2 ფენა ხახვი
- მე-3 ფენა ქათმის ხორცის ნახევარი
- მე-4 ფენა კიტრის მწნილი
- მე-5 ფენა დარჩენილი ქათმის ხორცი
- მე-6 ფენა ყველი
- მე-7 ფენა კვერცხი
სალათის ზედა ფენას წავუსვათ მაიონეზი და მოვრთოთ ნიგვზის ლებნებით და ხახვის ღერებით ( ნიგოზი შეიძლება წვრილად დავჭრათ და ისე მოვაყაროთ ან ნიგოზი შევცვალოთ დაჭრილი ქამა სოკოთი).
