დიდებული ალუბლის ტორტი შოკოლადი–ნაღების კრემით და ფენოვანი ცომით

8

ყოველ ოჯახურ წვეულებაზე ალუბლის ტორტს ფენოვანი ცომით ვამზადებ. ამ შესანიშნავ დესერტს თანასწორი არ ჰყავს. ასეთ გემრიელს კონდიტერიც ვერ ამზადებს. ოჯახის წევრებმა ამ დესერტის გემო იციან და მოუთმენლად ელიან!

ერთი შეხედვით, ალუბლის ტორტის გაკეთება მომზადების ეტაპების სიმრავლის გამო რთულია. ეს ფიქრები მოიშორეთ. აქ ცომის მოზელა ან 10 ინგრედიენტით რთული კრემის გაკეთება არ მოგიწევთ. ალუბლის დესერტში შეცდომის დაშვება შეუძლებელია. ნებისმიერ შემთხვევაში გემრიელი გამოვა.

როგორ მოვამზადოთ დიდებული ალუბლის ტორტი ფენოვანი ცომით

ალუბლის ტორტი ცომის მოზელის გარეშე, ბევრი შიგთავსით და კრემით მზადდება. გაფრთხილებთ: დიეტა შეიძლება დაარღვიოთ, მაგრამ ამად ღირს!

ინგრედიენტები:

  • 500 გ უსაფუარო ფენოვანი ცომი
  • 800 გ ალუბალი
  • 520 მლ ნაღები
  • 40 გ შაქრის ფხვნილი
  • 1 კვერცხი
  • 200 გ თეთრი შოკოლადი
  • 300 გ ნაღების ყველი
  • 60 გ მწარე შოკოლადი

მომზადების წესი:

1. ორი ფურცელი ფენოვანი ცომი ოდნავ გაწელეთ და სიგრძეზე ზოლებად დაყავით. სულ 6 ზოლი უნდა გამოვიდეს.

2. თითოეული ზოლის ცენტრში უკურკო ალუბალი ერთ რიგად დააწყვეთ. ცომის კიდეები ფრთხილად შეკარით. გრძელი ძეხვის ფორმა გამოვა.

3. მრგვალ საცხობ ფორმას პერგამენტის ქაღალდი დააფინეთ და 3 ცომის ძეხვი წრიულად ჩააწყვეთ. კვერცხი წაუსვით და 200 გრადუსზე 30-40 წუთით აცხვეთ. ბისკვიტის მეორე ნაწილით დარჩენილი 3 ცომის ძეხვით ასე გამოაცხვეთ.

4. თეთრი შოკოლადი გაადნეთ ისე, რომ კრემის მასა მიიღოთ. შოკოლადი პერგამენტ დაფარებულ საცხობ ფორმაზე თანაბრად გაანაწილეთ. ღუმელში 150 გრადუსზე 10-14 წუთით აცხვეთ.

5. ცივი კარამელიზებული შოკოლადი დატეხეთ, 80 მლ ნაღები დაუმატეთ და წყლის ორთქლზე გააცხელეთ. როცა შოკოლადი გადნება, ნარევი გადაწურეთ.

6. ნაღების ყველი და შაქრის ფხვნილი ათქვიფეთ. ცივი შოკოლადი დაასხით და ერთგვაროვანი მასის მიღებამდე აურიეთ.

7. 360 მლ ნაღები ჰაეროვანი მასის მიღებამდე ათქვიფეთ. ნაღებს ყველი–შოკოლადის მასა ფრთხილად აურიეთ.

8. ტორტი ააწყვეთ. ალუბლიანი ფენები ერთმანეთს დაადეთ და კრემი უხვად წაუსვით. კრემი ტორტს ზემოდან და გვერდებზეც წაუსვით. რამდენიმე საათით მაცივარში შეინახეთ.

9. მწარე შოკოლადი და დარჩენილი ნაღები ერთგვაროვანი მასის მიღებამდე აურიეთ და ტორტი გააფორმეთ.

ზემოდან ალუბლის კენკრით გააფორმეთ. დესერტი ფქვილის და შაქრის გარეშე ყველას მოეწონება. 33-36%–იანი ნაღები გამოიყენეთ. ასეთი პროდუქტი კარგად ითქვიფება, ფორმას ინარჩუნებს და გაჯერებული გემო აქვს.