შეგიძლიათ, ბარდის ღივები წყლის წიწმატით, ინდაუთი ან ნებისმიერი სხვა ბალახოვანით ჩაანაცვლოთ.
წყლის წიწმატი – (ლათ. Nasturtium officinale) მრავალწლიანი ბალახოვანი მცენარეა. ფართოდაა გავრცელებული მთელ საქართველოში, მდინარეების ნაპირებსა და ზღვის სანაპიროზე. კულინარიაში იყენებენ მის ნორჩ ყლორტებსა და ფოთლებს.
ახლა კი შევუდგეთ სალათის მომზადებას
ინგრედიენტები:
- 2 ს.კ. იოგურტი (უშაქრო, უხილოდ)
- 1 ლიმონის წვენი
- 1 ს.კ. თავშავას ხმელი ფოთოლი
- 2 ს.კ. ქორფა პიტნა
- 500 გ შემწვარი წიწილის რბილი ნაჭრები
- 3 ს.კ. ცივი დაწურვის ზეითუნის ზეთი
- 150 გ ისპანახის ფოთლები
- 150 გ ყვითელი ბულგარული წიწაკა, დაკონსერვებული
- 1 კიტრი
- 50 გ ბარდის ღივები
- 120 გ ყველი ფეტა
- 50 გ ზეთისხილი “კალამატა”
- მარილი, შავი პილპილი
მომზადების წესი:
- იოგურტი, 2 ჩ.კ. ლიმონის ახალდაწურული წვენი, თავშავა და წვრილად დაჭრილი პიტნა ჯამში შეურიეთ. დაუმატეთ წიწილის ხორცი და კარგად ამოავლეთ ამ საკმაზში, დააფარეთ და მაცივარში 30 წთ გააჩერეთ.
- შეწვამდე წიწილი მაცივრიდან გამოიღეთ და კულინარიული ფუნჯით ყველა მხრიდან წაუსვით ზეთი. კარგად დაბრაწეთ.
- წვრილად დაჭრილი ისპანახი, წიწაკა, კიტრი, ბარდის ღივები, დაფშვნილი ფეტა და ზეთისხილი ერთად მოათავსეთ. ჯამი მსუბუქად შეანჯღრიეთ, რომ ყველაფერი ერთმანეთს შეერიოს.
- სალათა თეფშებზე გადაანაწილეთ. თითოეულს ქათმის მეოთხედი დაადეთ. მოასხით დარჩენილი ლიმონის წვენი და მცირეოდენი ზეთი. მარილითა და ახალდაფქული შავი პილპილი შეაზავეთ და სუფრაზე მიიტანეთ.
გაუზიარეთ ამ სალათის რეცეპტი მეგობრებს.
