გასწავლით, როგორ გამოაცხოთ სწრაფად ახალი კარტოფილი ყველის ბალიშზე

201

უმარტივესი პროდუქტები კარგი ბაზაა, რომ მოამზადოთ საოცრად გემრიელი ვახშამი, რომელიც ოჯახის ყველა წევრს აღაფრთოვანებს. გამომცხვარი ახალი კარტოფილი ყველით სწორედ ასეთი კერძია. დახარჯეთ მინიმუმი დრო მომზადებაზე, რომ თქვენი კულინარიული უნარებისთვის ბევრი კომპლიმენტი მიიღოთ.

ამ რეცეპტით გამომცხვარი კარტოფილი მარტივია. მთავარია, მომზადებამდე კარგად გარეცხოთ. ბოსტნეულის გათლა საჭირო არაა. კარტოფილს შეგიძლიათ ცივი წყალი დაასხათ, თავსახური დაახუროთ და 20-30 წუთი გააჩეროთ. შემდეგ ქვაბი კარგად შეანჯღრიეთ და სითხე გადაასხით. თუ საჭიროა, პროცედურა გაიმეორეთ (სანამ წყალი სუფთა არ გახდება).

ოქროსფერი ახალი კარტოფილი ყველით: როგორ გამოვაცხოთ

კარტოფილის მომზადებისას სანელებლებში არ უნდა გადააჭარბოთ. ბევრი მარილის და შავი წიწაკის დამატება საჭირო არაა. ასე ახალი კარტოფილის გემოს გადაფარავთ. სანელებლის დამატებისას სიფრთხილე გმართებთ.

ინგრედიენტები:

  • 1 კგ ახალი კარტოფილი
  • 200 გ ხმელი ყველი
  • 30 გ კარაქი
  • დაფქული შავი წიწაკა გემოვნებით
  • მარილი გემოვნებით

მომზადების წესი:

1. ახალი კარტოფილი კარგად გარეცხეთ. ქვაბში მოათავსეთ. წყალი დაასხით და ქურაზე დადეთ. კარტოფილი მომზადებამდე ხარშეთ.

2. საცხობ ფორმას პერგამენტი დააფინეთ. ცოტა ზეთი წაუსვით.

3. ხმელი ყველი წვრილად გახეხეთ. საცხობ ფორმაზე გადაიტანეთ და თანაბრად გაანაწილეთ.

4. ოდნავ გაცივებული კარტოფილი შუაზე გაჭერით. ყველის ბალიშზე გადანაჭერით ქვემოთ დადეთ.

5. ზემოდან კარტოფილს გამდნარი კარაქი წაუსვით. მარილი და წიწაკა მსუბუქად მოაყარეთ. წინასწარ 180 გრადუსამდე გახურებულ ღუმელში 15-20 წუთი ოქროსფერ შეფერილობამდე აცხვეთ.

სიტყვაზე, სოუსი არ დაგავიწყდეთ. აუცილებელი დანამატია. ახალი კარტოფილი არომატული არაჟანი–ნივრის სოუსით შეუდარებელია. სოუსისთვის 4 კბილი ნიორი დაგჭირდებათ. გაასუფთავეთ და დაჭყლიტეთ. ნიორი და 200 გ არაჟანი აურიეთ. 2 ს/კ ახალდაწურული ლიმონის წვენი დაასხით. კამა გარეცხეთ და გაამშრალეთ. მწვანილი წვრილად დაჭერით. დანარჩენ ინგრედიენტებს დაუმატეთ. მარილი და წიწაკა გემოვნებით დაუმატეთ. ინგრედიენტებს კარგად აურიეთ. არაჟანი–ნივრის სოუსი გამომცხვარი კარტოფილისთვის მზადაა. გემრიელად მიირთვით!