Gastronomia.ge-ს რედაქცია გიზიარებთ სალათის რეცეპტს, რომელიც კვერცხით და ბადრიჯნით მზადდება. ასეთი სალათი შეგიძლიათ სადღესასწაულო ან ყოველდღიურ სუფრაზე გაიტანოთ. ძალიან გემრიელია. ოჯახის წევრებისთვის მისი მომზადება აუცილებლად სცადეთ.
ინგრედიენტები:
- 2 კვერცხი
- 2-4 ბადრიჯანი
- 2 ს/კ მაიონეზი ან არაჟანი
- 1 ხახვი
- მარილი გემოვნებით
- 1 კონა კამა
- მცენარეული ზეთი შესაწვავად
მარინადი ხახვისთვის:
- 80 მლ წყალი
- 1 ჩ/კ შაქარი
- ½ ჩ/კ მარილი
- 1-2 ს/კ 9%–იანი ძმარი
მომზადების წესი:
- გასუფთავებული ბადრიჯანი კუბებად დაჭერით და ტაფაზე მცენარეულ ზეთში შეწითლებამდე შეწვით.
- მარინადისთვის ხახვი თხელ ნახევარ რგოლებად დაჭერით, შაქარი, მარილი და ძმარი დაუმატეთ, ცხელი წყალი დაასხით და გააჩერეთ.
- მოხარშული კვერცხი ჯერ შუაზე, შემდეგ ნახევარ რგოლებად დაჭერით.
- კამა დააქუცმაცეთ.
- გაწურული ხახვი, კვერცხი, მწვანილი, მაიონეზი ან არაჟანი აურიეთ, მარილი გემოვნებით მოაყარეთ.
- გემრიელად მიირთვით!
