მოხარშული შედედებული რძის მომზადების ინსტრუქცია საშინაო პირობებში

0
1259

ყველას აქვს საკუთარი იდეა, თუ როგორი უნდა იყოს იდეალური საშინაო პირობებში მომზადებული შედედებული რძე. ჩემთვის ეს არის სქელი, ქარვასფერი ტკბილეული, კარამელის მდიდარი გემოთი. იგი სრულიად განსხვავდება მათგან, რაც მაღაზიებში იყიდება.

ასეთი შედედებული რძე უნდა მოადუღოთ ახალი მთელი რძისგან მინიმუმ 1 საათის განმავლობაში, სწორედ ამიტომაა რეცეპტის შემადგენლობაში საცხობი სოდა. იგი უნდა დაუმატოთ იმისთვის, რომ რძე არ აიჭრას დიდ ხნიანი დუღილის გამო. თუ სოდას სწორი პროპორციით დაუმატებთ, მზა პროდუქტში მის გემოს საერთოდ ვერ იგრძნობთ.

როგორ მოვამზადოთ მოხარშული შედედებული რძე საშინაო პირობებში

ინგრედიენტები

  • 3 ლ რძე
  • 1 კგ შაქარი
  • 0,5 ჩ.კ. სოდა

მომზადების წესი

1. ჩაასხით რძე ღრმა ფოლადის ქვაბში, დაადგით დაბალ ცეცხლზე და დროდადრო მოურიეთ.

2. როდესაც რძე ადუღდება, შაქარი და სოდა დაუმატეთ.

3. ადუღეთ რძე საშუალო ცეცხლზე, სანამ კარგად არ გასქელდება, დაახლოებით 90 წუთის განმავლობაში, დროდადრო მოურიეთ.

4. ამ დროის განმავლობაში გარეცხეთ და დაასტერილეთ ქილები.

5. საბოლოოდ მასა მოცულობაში ორჯერ უნდა შემცირდეს და მსუბუქად ამოიბურცოს. ცხელი შედედებული რძე ჩაასხით სტერილურ ქილებში.

6. ქილებს დაახურეთ თავსახური და მოხარშული შედედებული რძე ოთახის ტემპერატურაზე გააჩერეთ, რომ გასქელდეს.

აი, ასეთი მარტივია შედედებული რძის მომზადება საშინაო პირობებში. იგი დაგიტკბობთ ყველაზე ცუდ დილასაც კი. შედედებული რძე იდეალურია საუზმეზე ბლინებთან და ვაფლთან.

მოამზადეთ ტკბილეული დიდი რაოდენობით, ისინი აუცილებლად გამოგადგებათ დესერტების მოსამზადებლად.

პასუხის გაცემა

გთხოვთ დაწერეთ კომენტარი!
გთხოვთ ჩაწეროთ თქვენი სახელი