დესერტები ცხობის გარეშე ყველას უყვარს, რადგან ის სწრაფად და მარტივად მზადდება, იდეალურია იმ მომენტებისთვის, როცა რაღაც ტკბილეულის მიღება გსურთ, მაგრამ ღუმელის ჩართვა გეზარებათ.
გირჩევთ ყურადღება მიაქციოთ ამ მარტივ ტორტს ცხობის გარეშე. ასეთი სწრაფი, ბიუჯეტური დესერტი 4 ინგრედიენტისგან ღუმელის, კვერცხის და ფქვილის გამოყენებას არ საჭიროებს. განსაკუთრებით ახლა, როცა ზაფხულია, სახლში თბილა და ელექტროენერგიის ზედმეტად დახარჯვა არ გსურთ.
ამ ტორტში უჩვეულო არაფერია. ბევრისთვის ბავშვობიდან ნაცნობი დესერტი „შოკოლადის ძეხვი“. ტორტის ცხობის გარეშე მომზადების პრინციპი მსგავსია.
ტორტის მომზადებაზე სულ 10 წუთი დაგეხარჯებათ. შევუდგეთ?
თაფლაკვერას ტორტი ცხობის გარეშე
ინგრედიენტები:
- 220 გრ ფხვიერი ნამცხვარი
- 220 გრ მწარე შოკოლადი
- 160 მლ ნაღები
- 2 ს/კ კარაქი
ჭიქურის ინგრედიენტები:
- 110 გრ მწარე შოკოლადი
- 80 მლ ნაღები
- 1 ს/კ კარაქი
მომზადება:
1. ტორტის ფორმას კარაქის ნაჭერი წაუსვით.
2. ღრმა თასში ფხვიერი ნამცხვარი ხელით დატეხეთ.
3. კარაქი პატარა ქვაბში გაადნეთ, ნაღები დაუმატეთ და ადუღებამდე მიიყვანეთ.
4. ამ ნარევს შოკოლადი დაუმატეთ და ერთგვაროვანი მასის მიღებამდე აურიეთ.
5. აქვე ფხვიერი ნამცხვრის ნატეხები დაამატეთ და ფრთხილად აურიეთ. შემდეგ მასა მზა ფორმაში გადაიტანეთ.
6. მასა კოვზით გაასწორეთ და საყინულეში 3 საათით შეინახეთ.
7. სანამ მასა გამაგრდება, ჭიქური მოამზადეთ. ამისთვის პატარა ქვაბში ნაღები და კარაქი ანალოგიური მეთოდით აადუღეთ და შოკოლადი დაუმატეთ.
8. გამაგრებული ტორტი საყინულიდან გამოიღეთ და შოკოლადის ჭიქური თანაბრად დაასხით.
დესერტი რბილი, თბილი ჭიქურით შეგიძლიათ სუფრაზე გაიტანოთ ან ტორტს ფოლგა დააფაროთ და მთელი ღამე მაცივარში შეინახოთ. მეორე დღეს ტორტი ნაჭრებად დაჭერით და ცივი დესერტით ისიამოვნეთ!
ასეთი შინაურული ტორტი ცხობის გარეშე შეგიძლიათ მოიმარაგოთ და საყინულეში შეინახოთ. რეცეპტი ძალიან მარტივია, პროცესში შეგიძლიათ ბავშვებიც ჩართოთ. მათ განსაკუთრებით ფხვიერი ნამცხვრის დატეხვა და ფორმაში ნარევის ჩასხმა მოსწონთ.
რეცეპტში ცვლილებების შეტანა ყოველთვის შეგიძლიათ – დაუმატეთ სხვადასხვა არომატული ინგრედიენტები, როგორიცაა ფორთოხლის ცედრა, ვანილი, დარიჩინი, რომი, ნუშის ექსტრაქტი, ჩირი. პირადად, მე, მარტივი და მდიდარი შოკოლადის გემო მომწონს.
ვიმედოვნებ, ამ ტორტმა მისი დაუყონებლივ მომზადების ძლიერი სურვილი გაგიჩინათ. თუ რეცეპტი მოგეწონათ, მეგობრებს სოციალურ ქსელში აუცილებლად გაუზიარეთ.
