ჩემს შვილებს ძალიან უყვართ ტკბილეულობა, ამიტომ დროდადრო მიწევს მათთვის სხვადასხვა დესერტების მომზადება თავად, რადგან მაღაზიაში ნაყიდს დიდად ვერ ვენდობი.
დღეს ნამცხვარი “კარტოშკას” მომზადება დავგეგმე აღდგომის მერე მორჩენილი პასკებისგან. პასკის ცომი თავისთავად უკვე ძალიან გემრიელია, ამიტომ დესერტიც არაჩვეულებრივი გამოდის. აუცილებლად სცადეთ და ასიამოვნეთ ოჯახის წევრებს!
ინგრედიენტები
- 300 გრ ფქვილი
- 200 მლ რძე
- 250 გრ შაქარი
- 10 გრ ვანილინი
- 5 კვერცხი
- 1 ჩ.კ. სახამებელი
- 250 გრ კარაქი
- 1 ს.კ. კაკაო
- 1 ს.კ. შაქრის პუდრი
- 50 გრ ალუბლის ჩირი
- 50 გრ შტოშის ჩირი
- 50 მლ ნაღები
- 1 ჩ.კ. სოდა
- 1 ს.კ. კონიაკი
- 1 ც ლიმონი
მომზადება
1. პასკის მოსამზადებლად აიღეთ ფქვილი, 100 გრ შაქარი, 100 გრ კარაქი, 3 კვერცხი, ჩირი, ნაღები, კონიაკი, ლიმონი, მოზილეთ ცომი და გამოაცხვეთ. თუ უკვე გაქვთ მორჩენილი პასკა, დაჭერით და გამოაშრეთ ოდნავ ღუმელში.
2. შეურიეთ რძე და 75 გრ შაქარი, დადგით ნელ ცეცხლზე და აადუღეთ. ათქვიფეთ კვერცხი დანარჩენ შაქართან, ვანილთან, სახამებელთან და დაუმატეთ რძეს. ადუღეთ სანამ მასა არ შესქელდება.
3. დაამატეთ დარბილებული კარაქი და მოურიეთ ერთგვარი მასის მიღებამდე.
4. ბლენდერის მეშვეობით დააქუცმაცეთ პასკა და შეურიეთ კრემისებრი მასა. შექმენით პატარა ბურთულები და შედგით მაცივარში 30-40 წუთით.
5. შეურიეთ კაკაო და შაქრის პუდრი და ამოავლეთ ნამცხვრები.
“კარტოშკა” ასევე შეგიძლიათ ამოავლოთ ქუნჯუთში, დაჭრილ თხილში ან უბრალოდ შაქრის პუდრში. მოამზადეთ სიამოვნებით და გაუზიარეთ რეცეპტი მეგობრებს!
