ნიგოზი იაფი და ხელმისაწვდომი პროდუქტია, რომელიც სამზარეულოში ყველას აქვს. ბევრი საერთოდ აგარაკზე ზრდის. ნიგვზის სარგებელი უდავოა. ბევრი კვლევა ადასტურებს, რომ ეს ნაყოფი ტვინისა და იმუნიტეტისთვის სასარგებლოა. სწორედ ამიტომ, ცხრაფურცელას კაკლის შიგთავსით ხშირად ვაცხობ. ჩაიზე მისაყოლებლად სწრაფი და მარტივი დესერტია.
ცხრაფურცელა ნიგვზის შიგთავსით ცოტა შაქარს შეიცავს. დარწმუნებული ვართ, რომ ასეთი გემრიელი ჯერ არ მოგიმზადებიათ. თუ სახლში ნიგოზი გაქვთ, დესერტი აუცილებლად გამოაცხვეთ. საფუარის ცომი დამყოლი და მარტივი გამოდის. გამოუცდელი დიასახლისიც გაუმკლავდება.
როგორ მოვამზადოთ ნიგვზიანი ცხრაფურცელა ღუმელში
შინ გამომცხვარ ცომეულზე გემრიელი არაფერია. 20-30 წუთის დახარჯვა საკმარისია, რომ სახლი საფუარის ცომის გემრიელი არომატით გაავსოთ. ჩაიზე მისაყოლებლად იდეალურია.
ინგრედიენტები:
- 250 გ ხორბლის ფქვილი
- 70 მლ რძე
- 1 ჩ/კ თაფლი
- 2,5 ს/კ შაქარი
- 100 გ კარაქი
- 1 კვერცხი
- 0,5 ჩ/კ მარილი
- 100 მლ წყალი
- 1 ჩ/კ მშრალი საფუარი
- ლიმონის ცედრა გემოვნებით
- 220 გ ნიგოზი
- 9 გ ვანილი
მომზადების წესი:
1. თბილი წყალი, საფუარი, 0,5 ს/კ შაქარი და თბილი რძე აურიეთ. საფუარის ნარევს ლიმონის ცედრა, მარილი და თაფლი დაუმატეთ. კარგად აურიეთ.
2. საფუარის ნარევს ფქვილი ნაწილ–ნაწილ დაუმატეთ. ცომი მოზილეთ. პარკში გაახვიეთ და გააჩერეთ.
3. კვერცხის ცილა ათქვიფეთ, დარჩენილი შაქარი და ვანილი დაუმატეთ.
4. დაქუცმაცებული ნიგოზი დაუმატეთ და აურიეთ. შიგთავსი მზადაა.
5. ცომი ორ ნაწილად დაყავით. თითოეულ თხელ ფირფიტად გააბრტყელეთ. ერთ ნაწილს კარაქი წაუსვით და მილივით დაახვიეთ. მეორე ნაწილზეც იგივე გაიმეორეთ.
6. ცომი ნაწილებად დაყავით, რომ პატარა „ლოკოკინა“ მიიღოთ. ცომი ერთი მხრიდან გაწიეთ და წარმოქმნილ ადგილში ბურთი კაკლის შიგთავსი დაუმატეთ.
7. მიღებული ფორმები პერგამენტდაფარებულ საცხობ ფორმაზე გადაიტანეთ და კვერცხის გული წაუსვით. 200 გრადუსზე 15 წუთით აცხვეთ.
სურვილისამებრ მზა ცხრაფურცელას შაქრის ფხვნილი მოაყარეთ. ჰაეროვანი და მსუბუქი გამოვა, ნოყიერი კაკლის შიგთავსით. დესერტი ბოლო ნაფშვენამდე შეიჭმება. საკუთარი თავი შინ გამომცხვარი არომატული და გემრიელი ცომეულით გაახარეთ.
