თუ თქვენს ბავშვებს მობეზრდათ ყოველდღე ერთი და იგივე მოსაწყენი პირველი კერძების მირთმევა, ეს აუცილებლად უნდა გამოასწოროთ. შეიტანეთ რაციონში მრავალფეროვნება – თავად მომზადების პროცესიც კი სასიამოვნო გახდება.
სპეციალურად თქვენთვის ჩვენ მოვამზადეთ მარტივი და გემრიელი სოკოს კრემ-სუპის რეცეპტი ქათმის ბულიონზე. კერძის მომზადებამდე ჩვენ ჯერ ქათმის ბულიონი მოვხარშეთ, ამგვარად დროის ეკონომიასაც გასწევთ.
ინგრედიენტები
- 400 გრ ქამა სოკო
- 100-200 მლ ნაღები
- 2 ც კარტოფილი
- 1 ც ხახვი
- 400 მლ ქათმის ბულიონი
- ზეთი გემოვნებით
- მარილი და შავი პილპილი გემოვნებით
მომზადება
- გარეცხეთ და წვრილად დაჭერით სოკო და ხახვი. მოთუშეთ ზეთში ჯერ ხახვი, მერე დაუმატეთ სოკო და შეწვით დაბრაწვამდე.
- დააბლენდერეთ სოკო და ხახვი.
- გათალეთ და დაჭერით პატარა კუბებად კარტოფილი. ჩაყარეთ მდუღარე ბულიონში და მოხარშეთ.
- მოამზადეთ პიურე და შეურიეთ სოკოს მასას. დაუმატეთ ნაღები და ხარშეთ ნელ ცეცხლზე. დაუმატეთ მარილი და შავი პილპილი. მოურიეთ და გადმოდგით ცეცხლიდან.
შეგიძლიათ მზა კრემ-სუპს მოაყაროთ დაჭრილი მწვანილი. მოამზადეთ სიამოვნებით და გაუზიარეთ რეცეპტი მეგობრებს!
