გემრიელი შოკოლადის ტორტი მილკა მარტივი და ბიუჯეტური ინგრედიენტებისგან.
ფაფუკი ბისკვიტი ნაზი კრემით და შოკოლადის მინანქრით, ძალიან გავს ნაყინს.
ინგრედიენტები
ბისკვიტისთვის
- ხორბლის ფქვილი 190გ
- შაქარი 150გ
- კვერცხი 5 ცალი
- რძე 100მლ
- კარაქი 100გ
- კაკაო 50გ
- გამაფხვიერებელი 10გ
- მოხარშული შედედებული რძე 240გ
კრემისთვის
- სიმინდის სახამებელი 70გ
- რძე 700მლ
- შაქრის ფხვნილი 100გ
- კარაქი 170გ
შოკოლადის მინანქრისთვის
- რძიანი შოკოლადი 100გ
- კარაქი 40გ
- რძე 3 სუფრის კოვზი
მომზადება
- ღრმა ჯამში ჩატეხეთ ოთახის ტემპერატურის კვერცხი, შაქარი და ათქვიფეთ აქაფებამდე.
- დაუმატეთ ფქვილი, კაკაო და გამაფხვიერებელი.
- ჯამში მოათავსეთ კარაქი, შედედებული რძე და ჩაასხით რძე.
- ქვაბი მოათვსეთ ცეცხლზე, ურიეთ და მიიყვანეთ ერთგვაროვნებამდე.
- ათქვეფილი კვერცხს ნელ-ნელა დაუმატეთ გაცრილი ფქვილი და ფრთხილად მოურიეთ.
- ცხელ შედედებული რძის მასა დაუმატეთ ფქვილისას და მოურიეთ ფრთხილად.
- გამოსაცხობი ფორმა ამოფინეთ პერგამენტით.
- გამოაცხვეთ ბისკვიტი 180 გრადუსზე 35-40 წუთი.
- სანამ მზადდება ბისკვიტი მოვამზადოთ კრემი.
- ჯამში მოათავსეთ 600მლ რძე (100მლ მოგვიანებით გამოვიყენებთ), დაუმატეთ შაქრის ფხვნილი და მოათავსეთ ცეცხლზე.
- 100მლ რძეს დაუმატეთ სახამებელი და ვანილი. მოურიეთ.
- როცა შაქრიანი რძე ამოფუვდება დაუმატეთ სახამებლიანი რძე.
- მოურიეთ და დაელოდეთ შესქელებას.
- მზა ბისკვიტი გადმოიტანეთ ფორმიდან.
- ბისკვიტი გადაახვიეთ პაკეტში და მოათვსეთ მაცივარში.
- ამოფუებულ კრემს გადააფარეთ პაკეტი ისე, რომ ეხებოდეს მის ზედაპირს.
- გააგრილეთ კრემი ოთახის ტემპერატურამდე. გამღვალი კარაქი ათქვიფეთ და ნელ-ნელა დაუმატეთ კრემს.
- ათქვიფეთ ერთგვაროვნებამდე.
- ბისკვიტი გამოიღეთ მაცივრიდან, მოაჭერით თავი და გაყავით ბისკვიტი 3 ნაწილად.
- წაუსვით კრემი და მოათავსეთ მეორე კორჟი ზემოდან.
- წაუსვით კრემი და მოათავსეთ შემდეგი კორჟი.
- ზემოდან მოასხით შოკოლადის მინანქარი.
- მინანქარი: დაბალ ცეცხლზე გაალღვეთ შოკოლადი, დაუმატეთ რძე და კარაქი, მოურიეთ და გააგრილეთ.
- მოასხით მინანქარი ტორტს და მოათავსეთ მაცივარში.
გემრიელად მიირთვით!
