თუ თქვენს ოჯახში მარხვას იცავენ, მენიუს გამრავალფეროვნება აქტუალური საკითხია. ბრინჯისა და სტაფილოს კოტლეტების რეცეპტი, რომელსაც დღეს შემოგთავაზებთ, ამაში ნამდვილად დაგეხმარებათ. ინგრედიენტები ძალიან მარტივი და ხელმისაწვდომია.
ვინაიდან სამარხვო კერძი კვერცხს გამორიცხავს, გამოიყენეთ სახამებელი ან ფქვილი. კოტლეტები ძალიან ნოყიერი, წვნიანი და მადისაღმძვრელი გამოდის.
ინგრედიენტები
- 300 გრ სტაფილო
- 100 გრ ბრინჯი
- 1 ც ხახვი
- 3 კბ ნიორი
- 20 გრ სიმინდის სახამებელი
- 100 მლ ზეთი
- 150 გრ საფანელი
- მარილი, შავი პილპილი გემოვნებით
მომზადება
1. მოხარშეთ ბრინჯი მარილიან წყალში.
2. დაჭერით წვრილად ხახვი, მოთუშეთ ზეთში, შემდეგ დაამატეთ გახეხილი სტაფილო და მოთუშეთ, სანამ ბოსტნეული არ დარბილდება.
3. როდესაც ბრინჯი და ბოსტნეული გაცივდება, შეურიეთ, დაამატეთ სახამებელი, გატარებული ნიორი, მარილი, პილპილი და კარგად მოურიეთ.
4. შექმენით კოტლეტები, ამოავლეთ საფანელში და შეწვით ზეთში ორივე მხრიდან.
მიირთვით კოტლეტები ბოსტნეულის სალათთან ერთად. მოამზადეთ სიამოვნებით და გაუზიარეთ რეცეპტი მეგობრებს!
